«Azbýka jılıa»-nyń jeti nysanyn jańa merdiger salady - S.Ordabaı
ASTANA. QazAqparat - «Azbýka jılıa» kompanııasynan qalǵan toǵyz problemaly nysannyń quryysyn jeteýin jańa merdiger - «ORDA Injınırıng» kompanııasy aıaqtaıdy. Bul týraly búgin sońǵy kompanııanyń bas dırektory Samat Ordabaı málim etti.
S.Ordabaıdyń aıtýynsha, jeti nysannyń qurylysyna qajetti qarjy «Azbýka jılıa» kompanııasynan qalǵan aktıvter men bos jer telimderiniń esebinen salynady.
«ORDA Injınırıng» basqarýshy kompanııalary men «Azbýka jılıa» kompanııalar tobynyń arasynda 2015 jyldyń 20 qazanynda kelisim jasaldy. Sol kelisimge saı, «Azbýka jılıa» kompanııalar toby óz aktıvteriniń qalǵanyn bizge qaldyrdy, sebebi, osy aktıvter men bos alańdardyń esebinen qurylysy bitpegen nysandardyń bárin aıaqtap, úleskerlerge tapsyrýymyz qajet. Merdigerler aldyndaǵy mindettemeni biz óz moınymyzǵa aldyq», - dedi «ORDA Injınırıng» kompanııasynyń bas dırektory Samat Ordabaı.
Degenmen, S.Ordabaıdyń aıtýynsha, «Azbýka jılıa» kompanııasynyń barlyq aktvıteri buǵaýda tur. «Tergeý aıasynda «Azbýka jılıa» kompanııasynyń barlyq aktıvti buǵaýǵa qoıylǵan edi. Biraq, birneshe kún ishinde sot otyrysy ótpek, sondyqtan, bul másele sheshiledi degen oıdamyz. Biz kompanııanyń problemaly jeti turǵyn úıin salyp aıaqtaımyz. Biraq, eki turǵyn úı kesheni, atap aıtsaq, «Expo Town» jáne «Expo City» nysandary qaýqarly bolǵannan soń, qurylysty ózimiz aıaqtaımyz dep sheshti. Qalǵan jeti nysan bizdiń jaýapkershiligimizde»,-dedi S.Ordabaı.
