«Azbýka jılıa» kompanııasyna qatysty qylmystyq is qozǵaldy
ASTANA. QazAqparat - «Azbýka jılıa» kompanııasyna qatysty qylmystyq is qozǵaldy. Bul týraly búgin Astana ákiminiń orynbasary Sergeı Horoshýn málim etti.
«Azbýka jılıa» kompanııasynyń nysandary boıynsha qylmystyq is qozǵaldy. Ol máselemen Іshki ister mınıstrligi aınalysýda. Turǵyn úı satýmen aınalysqan tulǵalarǵa qatysty tergeý júrgizilýde. Aýdıt belgilendi. Menińshe, aldyn ala qorytyndylaryn bir-eki aıda anyqtalady», - dedi S.Horoshýn.
Onyń aıtýynsha, bul másele ákimdiktiń jiti baqylaýynda. Nysandardy salyp bitirý boıynsha sharalar jospary jasalýda. «Azbýka jılıa» men nysandarǵa óz aqshalaryn salǵan ınvestorlar arasyndaǵy azamattyq-quqyqtyq máseleler aıqyndalýda. Investorlardyń qalaýy boıynsha qurylysty aıaqtaýǵa basqarýshy kompanııalar tartylýy múmkin. Ákimdik óz tarapynan turǵyn úı-qurylysy kooperatıvterin qurýǵa kómektesedi.
