«Azattyq flotılııasymen» baılanysty oqıǵany tekserý jónindegi komıssııa quryldy
ASTANA. Tamyzdyń 3-i. QazAqparat - Birikken Ulttar uıymynyń bas hatshysy mamyr aıynda Túrkııadan Gaza sektoryna bara jatqan jolda «Azattyq flotılııasyna» jasalǵan shabýyldyń mán-jaıyn tekserý jónindegi komıssııa qurdy.
Bul týraly Bas hatshy Pan Gı Mýnnyń dúısenbi kúni jarııalanǵan málimdemesinde aıtylyp otyr, dep habarlaıdy ITAR-TASS agenttigi.
«Komıssııanyń qurylǵany týraly habarlaǵym keledi», - dep atap kórsetken BUU Bas hatshysy, sondaı-aq «mámilege kelýge degen talpynystary úshin Túrkııa men Izraıl basshylaryna» alǵys bildirdi jáne olardyń aldaǵy ýaqytta da yntymaqtasa beretindigine úmittenetindigin jetkizdi.
«Komıssııaǵa Jańa Zelandııanyń burynǵy premeri Djeffrı Palmer jetekshilik etetin bolady, al onyń orynbasarlyǵyna jaqynda óz ókilettik merzimin aıaqtaǵaly otyrǵan Kolýmbııa prezıdenti Alvaro Ýrıbe belgilendi», - delingen málimdemede.
Komıssııanyń quramyna taǵy eki adam - Izraıl men Túrkııanyń ókilderi kiretin bolady. Komıssııa jumysyn tamyzdyń 10-ynda bastap, qyrkúıek aıynyń ortasyna qaraı aıaqtaýdy josparlap otyr.
