«Azat» JSDP ókili P. Svoıkke keńesshi daýys quqyn bere otyryp, ony OSK-ǵa jiberý týraly ótinishti qabyldaýdan bas tartyldy
ASTANA. 15 aqpan. QazAqparat /Aıdar Ospanalıev/ - Ortalyq saılaý komıssııasy «Azat» Jalpyulttyq sotsıal-demokratııalyq partııasynyń tóraǵasy Jarmahan Tuıaqbaıdyń atalmysh partııanyń ókili Petr Svoıkke keńesshi daýys quqyn bere otyryp, ony Ortalyq saılaý komıssııasyna jiberý týraly ótinishin qabyldaýdan bas tartty.
Bul týraly búgin Ortalyq saılaý komıssııasynyń kezekti otyrysynda málim boldy.
Otyrys barysynda osy máselege baılanysty baıandama jasaǵan Ortalyq saılaý komıssııasynyń hatshysy Baqyt Meldeshovtyń aıtýynsha, Ortalyq saılaý komıssııasynyń quramyn bekitý tártibi elimizdiń Konstıtýtsııasy men «Saılaý týraly» zańynda naqty kórsetilgen.
«Saılaý týraly» zańnyń 10-babyna sáıkes OSK-dan ózge komıssııa quramdaryn saıası partııalardyń usynystary negizinde máslıhattar bekitedi. ıAǵnı, munda saıası partııalardyń usynystaryna basymdyq beriledi. Al OSK-ǵa keletin bolsaq, onyń Tóraǵasyn qosa alǵanda, 3 múshesin Memleket basshysy taǵaıyndaıdy. Sondaı-aq Parlament palatalarynyń ókilderi 2 músheden taǵaıyndaıdy. ıAǵnı zańda saılaý komıssııalaryn jasaqtaý máselesi anyq, ári naqty kórsetilgen. Soǵan qaramastan biz Jalpyulttyq sotsıal-demokratııalyq partııanyń usynysyna qatysty Bas prokýratýranyń da kózqarasyn bilgendi jón sanap, atalmysh organǵa suraý saldyq",-dedi B.Meldeshov.
Onyń sózine qaraǵanda, Bas prokýratýranyń jaýaby mynadaı: «Saılaý týraly» konstıtýtsııalyq zańnyń 20-babynyń 4-tarmaǵyna sáıkes, Ortalyq saılaý komıssııasynda arnaıy ókilderi joq saıası partııalar ózderiniń ókilderin saılaý komıssııalarynyń quramyna usynýǵa quqyly. Alaıda bul talapty tek aımaqtyq jáne ýchaskelik saılaý komıssııalaryna ǵana qatysty qoldanýǵa bolady.
«Osy máselelerdi eskere kelgende men Jalpyulttyq sotsıal-demokratııalyq partııasynyń tóraǵasy Jarmahan Tuıaqbaı myrzanyń ótinishin qabyldaýdan bas tartý qajet dep sanaımyn»,-dedi B.Meldeshov.
