Azat Perýshaev: Joldaýda kórsetilgendeı ishki naryqty qoldaý tetikterin daıyndaý kerek
Bul týraly Astanada ótip jatqan «Demokratııalyq kúshterdiń «Qazaqstan-2050» jalpyulttyq koaltsııasynyń otyrysynda «Aq Jol» demokratııalyq partııasynyń tóraǵasy, Parlament Májilisiniń depýtaty Azat Perýashev atap ótti, dep habarlaıdy QazAqparat tilshisi.
«Aq Jol» partııasyna álbette, kásipkerliktiń damýyna negizdelgen blok óte mańyzdy bolyp otyr. Salyqtyq amnıstııa týraly aıta keteıin. Salyqtyq amnıstııa týraly Joldaý barysynda Prezıdent «biryńǵaı syzyp tastaý emes, aıyppuldar men ósimpuldardyń amnıstııalaý» týraly aıtyp ótti. Bul óte keremet bastama. Nelikten ekenin aıtyp bereıin. Búgingi tańda iri jáne orta bızneske qatysty salyqtyq tekseris salyqtyq esep alý kezinde aıyppulǵa ákelip soǵatyn qateliktiń baryn anyqtap, sońǵy bes jyl merzimimen birge aıyppuldyń mólsherinen tórt ese kóp alashaqty tóleýge mindetteýi múmkin. Osylaısha, kásipker bankrotqa ushyraý jaǵdaıyna jetedi», - dedi «Aq Jol» demokratııalyq partııasynyń tóraǵasy.
Azat Perýashev osy máseleni sheshý úshin «Aq Jol» partııasy Úkimetke birneshe ret shyqqanyn atap ótti.
«Memleket basshysynyń saıası jigeriniń arqasynda bul máseleni jańasha tártipte qaraý múmkindigi týyp otyr. Áriptesterime úndeı otyryp, kásipkerlerdiń quqyǵy úshin mańyzdy qadamdar jasaýǵa shaqyramyn. Ekinshi mańyzdy másele - ekonomıkalyq saıasattyń baǵyty. Bizde ishki naryqtyń múmkindikteri baǵalana bermeıdi. Kez kelgen dúkenge kirseńiz, ımportqa táýeldilik 60-tan 80 paıyzǵa kórsetkishke ıe ekenin baıqaýǵa bolady. Nelikten plastık qalamdy Qytaıdan alyp kelýimiz kerek? Tis şetkasyn da shyǵara almaımyz ba? Mine, sondyqtan Prezıdenttiń Joldaýynda kórsetilgen tapsyrmalar bul máselege mán berýge shaqyrady. Úkimet osy máseleni nazarǵa alsa, bizdiń fraktsııa da jumyla kirisedi. Úkimetke buqaralyq tutyný óndirisine negizdelgen ishki naryqty qoldaýǵa arnalǵan tetikterdi tabýǵa kómektesý kerek», - dedi Azat Perýashev.
