Azat Perýashev partııadaǵy orynbasary ustalǵanyn rastady

ASTANA. KAZINFORM — Ulttyq qaýipsizdik komıteti «Aq jol» partııasy tóraǵasynyń orynbasary Dmıtrıı Vasılevtiń ustalǵanyn rastady. Bul týraly jýrnalısterge atalǵan partııanyń tóraǵasy Azat Perýashev aıtty.

«Keshe partııalasym Dmıtrıı Vasılevtiń ustalǵany týraly resmı jaýap (Ulttyq qaýipsizdik komıtetinen) aldyq. Onyń advokattarymen baılanysqa shyǵýǵa tyrystyq, alaıda habarlasý múmkin bolmady. Sondyqtan advokattardyń bergen jaýabynan keıin istiń mán-jaıyn anyqtaımyz», — dedi A. Perýashev Parlament Májilisinde tilshiler suraǵyna jaýap bere otyryp. 

Onyń aıtýynsha, Dmıtrıı Vasılevtiń qaı bap boıynsha ustalǵany týraly naqty aqparat joq.

Osy jaǵdaı boıynsha taıaý arada partııanyń saıtynda qosymsha aqparat beriledi.