Azat Perýashev: Qýandyq Bıshimbaev — bilimdi adam, biraq «elge qyzmet etý bilimnen emes, minezden»

Májilis depýtaty Azat Perýashev BAQ ókilderiniń saýalyna bergen jaýabynda kisi óltirdi degen kúdikpen ustalǵan eks-sheneýnik Qýandyq Bıshimbaevtyń minezi týraly pikir bildirdi, dep habarlaıdy Kazinform agenttigi.

«Áıelin óltirdi degen kúdikpen ustalǵan eks-sheneýnik Qýandyq Bıshimbaevty jeke tanıtyn ba edińiz? Sizge ol qandaı adam retinde kórinip edi?», — dep surady BAQ ókili «Qazaqstandyq qamtý 2.0» halyqaralyq forýmynyń aldynda.

Depýtat ony jeke tanyǵanyn, ekonomıkalyq bilimi joǵary adam retinde biletinin aıtty.

«Iá. Endi ol, birinshiden, bilimdi adam. Ekonomıka, odan keıin myna til jaǵynan bilimdi adam. Biraq Álıhan Bókeıhan aıtqan sóz bar ǵoı: „Elge qyzmet etý bilimnen emes, minezden“. Minezi qandaı ekenin ol qazir kórsetti ǵoı. Sondyqtan men oǵan sot bola almaımyn. Halyq oǵan sot  bolsyn. Sot ol jaıynda sheshim shyǵarsyn», — dedi Májilis depýtaty.

Sondaı-aq, ol mundaı keleńsizdiktiń ar jaǵynda tárbıedegi keleńsizdik jatýy múmkin ekenin de aıtty.

«Menińshe, biz balalarymyzǵa bilim bereıik desek, olarǵa durys baǵyt bereıik desek, eń aldymen tárbıemen aınalysýymyz kerek sııaqty», — dedi Azat Perýashev.