Azat Perýashev Arqalyqta koronavırýsty emdeıtin dári-dármek tapshylyǵy bar ekenin aıtty
ARQALYQ. QazAqparat - Koronavırýs indeti kezinde halyqqa qoldaý kórsetý - búginde el aımaqtaryn aralap júrgen Májilis depýtattarynyń negizgi jumys baǵytyna aınaldy. Májilis depýtaty Azat Perýashev Qostanaı oblysynyń Arqalyq qalasynda birqatar kezdesýler ótkizdi, dep habarlaıdy QazAqparat.
Májilis depýtattary qoǵamdyq baqylaý aıasynda búginde tek oblys ortalyqtarynda ǵana emes, sonymen qatar shalǵaı aýdandarda da indetpen kúresý úshin qajetti máselelerdi baqylaýǵa alýda.
Qostanaı oblysynyń Arqalyq qalasynda Májilis depýtaty, «Aq jol» partııasy parlamenttik fraktsııasynyń jetekshisi Azat Perýashev jergilikti aýrýhananyń dárigerlerimen jáne medıtsına qyzmetkerlerimen kezdesip, birqatar ózekti problemalardy talqylady.
Dárigerlerdiń aıtýynsha, qazirgi ýaqytta dári-dármekter máselesi jaqsaryp, COVID-pen aýyratyn naýqastardyń sany edáýir azaıǵan. Sonymen birge, medıtsına qyzmetkerleri bir rettik jeke qorǵanys quraldarynyń kóp tutynylatyndyǵyn jáne joǵary qýatty tynys alý apparattarynyń qajettiligin atap ótti.
Azat Perýashev Arqalyq aýrýhanasyna qorǵanys kostıýmderin, betperdeler men qolǵaptardy, sondaı-aq jaqyn arada jetkiziletin úsh tynys alý apparatynyń qujattaryn syıǵa tartty.
Aýrýhana kelýshiler depýtatpen áńgimelesý barysynda medıtsınalyq mekemede rentgen apparattarynyń jetispeýshiligi sııaqty problemalyq máselelerdi kóterdi. Bul naýqastardy, ásirese aýyldan kelgen eresek adamdardy aýrýhanaǵa jatqyzýdy qıyndatady.
Arqalyq halqy keıbir jaǵdaılarda medıtsınalyq kómek tolyq kólemde memleket esebinen alynbaıtynyna alańdaýshylyq bildirip, dári-dármekterdiń bir bóligin óz qarajattaryna satyp alýǵa týra keletinderine toqtaldy.
Sonymen qatar, taǵy bir problema - oblys ortalyqtarynan shalǵaı ornalasqan mekemeler úshin memlekettik satyp alý máselesi.
Aýrýhananyń bas dárigeri Nurlan Erjanovtyń aıtýynsha, jabdyqtyń kishkene bóligin shuǵyl aýystyrý qajet bolǵan jaǵdaıda, kóptegen qujattardy toltyryp, kelisý úshin oblysqa aparý kerek.
- Jolǵa baryp-kelem degenshe 15-16 saǵat ketedi. Kelisý nemese túzetý úshin kem degende bir apta qajet. Bul kezde jabdyq toqtap turady, taldaýlar keshiktiriledi, operatsııalar keıinge qaldyrylyp, jumys kestesine ózgerister engiziledi. Mysaly, aýrýhana ózi sheshe alatyn mólsher týraly naqty krıterııler qajet, - dedi aýrýhana basshysy.
Azat Perýashev bul máselelerdi Úkimet pen Densaýlyq saqtaý mınıstrliginiń basshylyǵynyń aldyna qoıatynyn jáne eń aldymen memleket jáne Áleýmettik medıtsınalyq saqtandyrý qory esebinen beriletin dári-dármekterdiń tizbesin keńeıtýdi kóterýge ýáde berdi.
Sonymen qatar, Májilis depýtaty koronavırýstan qaıtys bolǵandardyń týystaryna kóńil aıtyp, bul búkil el úshin qaıǵy-qasiret pen aýyrtpalyq ekenin atap ótti.
Osy rette Azat Perýashev qazirgi ýaqytta naýqastardy aýrýhanalardaǵy oryndarmen, dári-dármektermen, apparattarmen qamtamasyz etý qajettiligine toqtaldy. Olardy bıýrokratııadan bosatyp, kabınet jaǵalatpaı, jaı ǵana jaǵdaıdy túsiný aıasynda kómektesý kerektigine nazar aýdardy.
Májilismen dárigerler men medbıkelerge alǵs bildirip, olardyń jumysy naǵyz azamattyq erlik ekenin atap ótti.
Azat Perýashev Arqalyq qalasyndaǵy dárihanalarda qajetti dári-dármektiń bar-joǵyn tekserip, koronavırýsty emdeýge eń kóp qajet dári-dármek tapshylyǵy bar ekenin atap ótti.
Kezdeý barysynda farmatsevter «SK-Farmatsııa» dári-dármegin jeke dárihanalarǵa jetkizý qajettiligi týraly máseleni kóterdi.
Sapar barysynda halyqty áleýmettik qoldaý máseleleri basty nazarda boldy.
Májilismen kópbalaly otbasylarǵa azyq-túlik pen qajetti zattar berdi, sonymen qatar jergilikti turǵyndardy tolǵandyratyn birqatar máselelerdi talqylady.
Birinshi kezekte 42 500 teńge járdemaqy alý múmkindigi týraly jáne jergilikti atqarýshy organdar tarapynan halyqtyń az qamtamasyz etilgen toptaryn memlekettik qoldaý týraly keńinen túsindirý jumystaryn júrgizý kerektigi, halyqtyń máselelerin sheshýge bıliktiń belsendi qatysýynyń mańyzy týraly aıtyldy.
Sondaı-aq, karantın kezinde oqýshylardy qashyqtan oqytýǵa erekshe nazar aýdaryldy.
