Azat Mashabaev «QazAgroFınanstyń» dırektory bolyp saılandy

ASTANA. QazAqparat - «QazAgro» Ulttyq basqarýshy holdıngi» AQ basqarmasynyń 2016 jylǵy 18 mamyrdaǵy otyrysynyń sheshimimen dırektorlar keńesiniń múshesi - «QazAgroFınans» AQ táýelsiz dırektory bolyp Mashabaev Azat Erkinuly saılandy.

Bul týraly «QazAgro» baspasóz qyzmetinen habarlady.

Azat Mashabaev - 1979 jyly týǵan. T. Rysqulov atyndaǵy Qazaq ekonomıkalyq ýnıversıtetin «esep jáne aýdıt» mamandyǵy boıynsha, «Bolashaq» stıpendııasy arqyly Bremen memlekettik ýnıversıtetiniń zań fakýltetiniń magıstratýrasyn jáne ál-Farabı atyndaǵy Qazaq Ulttyq ýnıversıtetin «halyqaralyq quqyq» mamandyǵy boıynsha támamdady.