Azaptaýlardyń aldyn alatyn ulttyq tetikke qatysýshy baıqaý komıssııalary bıýdjetten qarjylandyrylady
adamgershilikke jatpaıtyn nemese ar-namysty qorlaıtyn is-áreketter men jazalaý túrleriniń aldyn alýǵa baǵyttalǵan ulttyq aldyn alý tetigin jasaý máseleleri boıynsha ózgerister men tolyqtyrýlar engizý týraly» zań jobasyn talqylaý barysynda Ádilet mınıstri Berik Imashev osylaı málim etti.
«Zań jobasyyń negizgi jańalyǵy - Adam quqyqtary jónindegi ýákildiń jáne úkimettik emes uıymdardyń ókilderi arqyly azaptaýlardyń aldyn alýdyń ulttyq tetigin jetildirý. Bul júıe alǵash ret engizilýde. Buǵan qosa qoǵamdyq baıqaý komıssııalary arqyly ǵana emes, bundaı komıssııalar quramyna enbeıtin basqa da qoǵamdyq uıymdar arqyly azamattardy ustaý oryndaryna barý múmkindigi keńeıedi. Búgingi zań boıynsha ustaý oryndaryna qoǵamdyq baıqaý komıssııalarynyń ókilderi ǵana bara alatyn bolsa, jańa zań jobasy olardyń quramyna enbeıtin úkimettik emes uıym múshelerine de sondaı múmkindikti qarastyrady», - deıdi Berik Imashev. Onyń aıtýynsha, zań jobasymen alǵash ret ulttyq aldyn alý tetigin memlekettik qarjylyq qoldaý sharasy da qarastyrylyp otyr. Budan bólek, arnaıy mekemelerge únemi baryp turýdy Adam quqyqtary jónindegi ýákiletti organ, qoǵamdyq baıqaý komıssııalarynyń músheleri, ulttyq aldyn alý tetigin qamtamasyz etý baǵytyndaǵy áleýmettik jobalardy iske asyrý boıynsha shart jasasqan qoǵamdyq birlestikter músheleri júzege asyra alady. Bul rette adam quqyqtary jónindegi ýákiletti tulǵa óziniń quzyretine sáıkes, arnaıy mekemelerge baryp turý sany men merzimi jaǵynan shektelmeıdi. Al aldyn alý tetiginiń basqa músheleri arnaıy mekemelerge jylyna eki ret qana bara alady. Bir mekemege bir ret barǵanda olardyń sany 4-ten aspaýy tıis. Mınıstrdiń pikirinshe, mundaı san osyndaı mekemelerdegi ustaý rejımine teris áser etýlerdi boldyrmaý úshin oryndy bolyp tabylady. Bul halyqaralyq sarapshylardyń usynymdaryna sáıkes keledi.
«Zań jobasyn júzege asyrý maqsatynda jyl saıyn 200 mln. teńge shyǵystar qarastyrylady. Bul soma respýblıkalyq bıýdjettik komıssııamen maquldandy jáne 2013-2015 jyldarǵa arnalǵan respýblıkalyq bıýdjette Ádilet mınıstrligimen qarastyrylǵan. Qarjylandyrý memlekettik áleýmettik tapsyrys arqyly júzege asady», - deıdi B. Imashev.
Onyń aıtýynsha, respýblıkalyq bıýdjetten ulttyq aldyn alý tetigine qatysýshylardyń issapar shyǵyndary men saraptamalyq jumystary, arnaıy mekemelerge barýǵa qatysty esepterdi daıyndaý jumystarynyń shyǵyndary tólenedi.
