Azaptaýǵa qatysty 33 laýazymdy tulǵanyń ústinen qozǵalǵan 12 is sotqa joldandy – Bas prokýratýra
ASTANA. KAZINFORM – Memleket basshysynyń tapsyrmasy boıynsha 2023 jylǵy qańtardan bastap azaptaý týraly isterdi tergep-tekserý prokýratýra organdaryna júkteldi.
Nátıjesinde, azaptaý týraly aryzdardyń sany ótken jyly 2 esege (791-den 417-ge deıin), al aǵymdaǵy jyly úshten birine (a.j. 6 aıynda 221-den 139-ǵa deıin) qysqardy.
Mundaı isterdiń sotqa jiberilýi jaqsardy.
«2023 jyly sotqa azaptaýlar týraly 2 ese kóp is jiberildi (22-ge qarsy 10), olar boıynsha 4 ese kóp adam sottaldy (40-qa qarsy 12). Bıyl sotqa 33 laýazymdy adamǵa qatysty 12 is (8) jiberildi. Azaptaýlardyń sebepteri men jaǵdaılaryn joıýǵa baǵyttalǵan birqatar pármendi sharalar qabyldandy», — delingen habarlamada.
Máselen, naqty nátıje prokýrorlar jelidegi jaǵdaıdy baqylaý maqsatynda qosylǵan úzdiksiz beınebaqylaý júıesi arqyly berildi.
Kórinbeıtin aımaqtar joıyldy, ustaý jáne jetkizý protsesin tirkeý úshin quqyq qorǵaý organdarynyń qyzmetkerlerin beınejetondarmen jaraqtandyrý boıynsha sharalar qabyldanyp jatyr.
Osy sanattaǵy isterdi taldaý toqtatýǵa negizinen azamattardyń tıisti aryzdarymen kesh, ıaǵnı dáleldemeler jınaý múmkindigi joǵalǵan kezde (beınejazbalardy saqtaý merzimi aıaqtalǵanda, kýágerlerdi anyqtaý múmkin emes), 2-6 aıdan keıin nemese odan da kóp ýaqyt ótken soń júginýi sebep ekenin kórsetti.
«30.12.2023 j. azaptaýlardy ýaqtyly anyqtaý úshin normatıvtik aktilerge ózgerister engizildi, olar prokýrorlardy barlyq ustalǵandardan olarǵa ruqsat etilmegen ádisterdi qoldaný turǵysynan jaýap alýǵa, al sot sarapshylaryn kezekshi prokýrorlarǵa azaptaýlar týraly habarlaýǵa mindetteıdi, osy týraly saraptamadan ótip jatqan adamdar málimdeıdi», — dep habarlady Bas prokýratýranyń baspasóz qyzmeti.
Qylmystyq qýdalaý organdarynyń barlyq mekemelerinde kezekshi prokýrorlardyń Baılanys telefondary ornalastyrylǵan, olar boıynsha azamattar azaptaýlar jáne tergep-tekserýdiń ruqsat etilmegen ádisteri týraly ýaqtyly aryzben júgine alady.
