Azaptaýǵa qarsy kúreske qatysty birqatar mańyzdy máselelerdiń sheshimi tabylmaı otyr - baspasóz máslıhaty
ALMATY. Mamyrdyń 12-si. QazAqparat /Názıra Eleýhan/ - Azaptaýǵa qarsy kúreske qatysty birqatar mańyzdy máselelerdiń sheshimi tabylmaı otyr.
Respýblıkada azaptaý týraly aryzdardy tıimdi, ádil ári tez qarastyratyn sheshim joq. Bul týraly búgin Almatyda "ÚEU Koalıtsııa el bıligin BUU Arnaıy baıandamashynyń usynystaryn oryndaýǵa shaqyrady» degen atpenótken arnaıy baspasóz máslıhatynda adam quqyqtary men zańdylyqty saqtaý jónindegi Qazaqstan halyqaralyq bıýrosynyń zańgeri Inara Aldybaeva málimdedi, dep habarlaıdy QazAqparat.
Onyń aıtýynsha, budan ózge, azaptaý úshin jaýapkershilik qarastyratyn Qylmystyq kodeks baby jalpyǵa birdeı moıyndalǵan halyqaralyq normalarǵa sáıkes kele bermeıdi. «Sonymen qatar, is júzinde sırek qoldanylady», dedi ol.
Inara Aldybaevanyń aıtýynsha, jyldan jylǵa azaptaýǵa baılanysty shaǵymdar kóp tirkelgen. «2009 jyly 286 shaǵym, 2008 jyly 212 shaǵym kelip túsken. Al, bul kórsetkish 2007 jyly 178, 2005 jyly - 64 bolatyn», dedi ol.
Ol sondaı-aq, Azaptaýǵa qarsy qazaqstandyq ÚEU Koalıtsııa Qazaqstan bıliginiń azaptaýǵa qarsy kúreske qatysty jaǵdaıdy ózgertýge baǵyttalǵan is-áreketin qoldaıtynyn jetkizip, azaptaýdy qoldanýdyń úlken qylmys ekenin ashyp aıtýǵa jáne elimizdegi azaptaýdy tamyrymen joıýǵa shaqyrdy.
