Azaptap óltirilgen balanyń jerleý rásimi búgin ótedi
TALDYQORǴAN. QazAqparat - Almatyda alǵashqyda joǵalyp, artynsha óli denesi tabylǵan balanyń jerleý rásimi búgin ótedi. 11 jastaǵy oqýshyny Almaty oblysynyń Qoǵaly aýylynda jerleıdi dep, habarlaıdy QazAqparat tilshisi.
Kerbulaq aýdanyna jol tartqan týystarynyń sózinshe, balanyń ákesi qarapaıym jumysshy. Qurylysta isteıtin kórinedi. Buǵan deıin habarlaǵanymyzdaı, 11 jastaǵy oqýshynyń ólimine ógeı sheshesi basty kúdikti retinde tergelýde.
Qazir atalǵan fakti boıynsha QR QK 125-baby, 2-bóligi (adam urlaý), 99-baby, 2-bóligi (adamdar tobymen sóz baılasyp, kámelet jasqa tolmaǵandy óltirý) boıynsha qylmystyq is qozǵaldy. Іs boıynsha 5 adam kúdikti retinde ustaldy.
Eske sala ketsek, Almatyda 11 jastaǵy oqýshynyń ólimine qatysty kúdikti retinde onyń ógeı sheshesiniń eki balasy ustalǵan bolatyn .
