Azap kórgen Janar Іzbasardyń aryzy boıynsha sotqa deıingi tergeý bastaldy

QYZYLORDA. QazAqparat - Qyzylorda oblystyq prokýratýrasy Qyzylorda qalasynyń turǵyny Janar Іzbasardyń «Facebook» áleýmettik jelisindegi shaǵymyna qatysty túsinikteme berdi. Bul týraly QazAqparat tilshisi habarlady.

Budan buryn Janar Іzbasar oblystyq memlekettik kirister departamentiniń qyzmetkerleri azaptaǵanyn aıtqan bolatyn.

Qyzylorda oblysynyń prokýrory H.Dáýeshov: «Janar Іzbasardyń 2017 jyly 3 qarashada jarııalanǵan jazbasynda kórsetilgen málimetterine qatysty aryzy oblystyq prokýratýranyń SDTTBT-ne QR 146-baby 2-bólimi 1 jáne 3 tarmaqshalarymen tirkeldi», - dep atap ótti.

Qazirgi tańda arnaıy prokýrorlarmen sotqa deıingi tergeý jumystary júrgizilýde. Qylmystyq istiń barysy erekshe baqylaýǵa alyndy.