«Azamattyqtan shyǵý azapqa aınalmaýy kerek» - respýblıkalyq basylymdarǵa sholý

ASTANA. 13 qyrkúıek. QazAqparat - Qazaq aqparat agenttigi respýblıkalyq basylymdarda 13 qyrkúıek, seısenbi kúni shyqqan ózekti materıaldarǵa sholýdy usynady.

***

«Memleket basshysy Nursultan Nazarbaev Qazaqstan Res­pýb­lıkasynda jańadan taǵaıyndalǵan birqatar shetel elshilerinen Senim gramo­tala­ryn qabyldady», - dep jazady «Egemen Qazaqstan» gazeti. Basylymnyń atap ótýinshe, rásim kezinde sóılegen sózin­de Memleket basshysy Tótenshe jáne ókiletti el­shi­lerdiń dıplo­ma­tııalyq mıssııanyń bas­shy­sy retinde qyzmetine kirisýleri Qa­zaq­stan úshin aıryqsha kezeńmen - Táýel­siz­digi­mizdiń 20 jyldy­ǵy­men oraılas kelip otyr­ǵanyn atap ótken. «Bizdiń elimiz - ıadrolyq qa­rýsyzdaný jáne ony taratpaý salasynda aýqymdy halyq­ara­lyq yntymaqtastyqtyń belsendi múshesi, biz álemdegi 180-nen astam memleketpen syrtqy saıası baılanys jasap kelemiz. Biz ja­qyn­da Semeı ıadrolyq polıgo­ny­nyń jabylýynyń 20 jyldyǵyn atap óttik. Azııa men Eýropanyń túıisken jerinde ornalasa oty­ryp, bizdiń elimiz halyqtar men órkenıetterdi baılanystyratyn dos­tyq pen ózara túsinistiktiń kópiri qyzmetin atqara alady», - dedi Elbasy.

«Egemen Qazaqstan» gazetinde L.Gýmılev atyndaǵy Eýrazııa ulttyq ýnıversıtetiniń prorektory, fılologııa ǵylymdarynyń doktory, professor Dıhan Qamzabekulynyń «Táýelsizdik jáne Alash» degen taqyryptaǵy kólemdi maqalasy jaryq kórdi. «Alash - rámizdik sóz. Alash - ultty uıys­tyrǵan uran. Alash - qazaq qoǵamy tá­jirıbesindegi jańarý men serpilýdiń, bi­lim-ǵylym men batyl izdenistiń, adal­dyq pen táýekelshildiktiń jarqyn beti. Sol sebepti Alash taqyrybyn ǵylymı turǵydan zerdeleý - jalpy Qazaqstan úshin, eldiń táýelsizdik talaptary úshin árqashan basymdyq (prıorıtet) bolyp qalmaq», - dep jazady avtor.

***

Keshe Túrkııanyń Ystambul qalasynda kúres túrleri boıynsha álem chempıonaty bastaldy. 18 qyrkúıekke deıin sozylatyn jarysqa jumyr jerdiń teńdessiz balýandary túgeldeı qatysýda. Olardyń arasynda Olımpıada oıyndary men álem chempıonattarynyń jeńimpazdary men júldegerleri kóptep sanalady. Sebebi bul básekede 2012 jyly Londonda ótetin Olımpıada joldamalary sarapqa salynady. Al ǵalamdyq oıyndarǵa qatysý ár sportshynyń armany ekeni aıtpasa da túsinikti. Osy baıraqty básekede el namysyn qorǵaıtyn palýandar jaıynda bilgińiz kelse «Aıqyn» gazetindegi «Túrkııada tartys bastaldy» degen maqalaǵa kóz júgirtińiz.

Parlament Májilisiniń jalpy otyrysynda depýtat Ýálıhan Qalıjanov Syrtqy ister mınıstri Erjan Qazyhanovqa depýtattyq saýal joldady. Onda búgingi kúnniń ótkir máselesine aınala bastaǵan taǵy bir túıtkildi qozǵady. Osyǵan oraı «Aıqyn» gazetinde «Azamattyqtan shyǵý azapqa aınalmaýy kerek» degen taqyryppen maqala basyldy. «Tarıh pen taǵdyr taýqymetine oraı 5 mıllıondaı etnıkalyq otandastarymyzdyń álemge tarydaı shashyrap ketkeni barshaǵa málim. Elbasy, Qazaqstannyń tuńǵysh Prezıdenti N.Nazarbaevtyń kóshi-qon saıasatyn ulttyq saıasattyń ózekti salasy retinde qarastyrýyna sáıkes, qazir 1 mıllıonǵa jýyq baýyrlarymyz tarıhı Otanyna kelip úlgerdi. Degenmen sońǵy ýaqytta Ózbekstan Respýblıkasynda turatyn qandastarymyzdyń Qazaqstanǵa oralýyna qoldan kedergi jasalýda», - dep jazady basylym.

***

Búginde áskerge shaqyrtylǵan jigitterdiń úshten biri maıtaban dertinen zardap shegedi. Dárigerler osylaı deıdi. Deni saý, zińgitteı jigitterdi bir qaraǵanda eshqandaı dert mazalamaıtyn sııaqty. Al túptep kelgende eshýaqytta jazylmaıtyn maıtaban aýrýynan azap shegetini belgili bolyp shyǵady. Onyń túpki mánisine úńilsek, derttiń dendeýin bala shaqtan izdegen jón sııaqty. Demek bul aýrýdyń shyǵý tórkinine úńilgińiz kelse «Alash aınasy» gazetindegi «Tutynýshynyń quqyǵyn kim qorǵaıdy?» degen maqalaǵa kóz júgirtińiz.

***

«Kazahstanskaıa pravda» gazetiniń jazýynsha, keshe Memleket basshysy Nursultan Nazarbaev AQSh-tyń Qazaqstan Respýblıkasyndaǵy Ýaqytsha senimdi ókili Djon Ordveıdi qabyldady. Kezdesý barysynda Qazaqstan men AQSh arasyndaǵy ekijaqty qarym-qatynastardy odan ári damytý máselesi talqylandy. «Kóp jyldan beri Qazaqstan Amerıka Qurama Shtattarynyń strategııalyq seriktesi bolyp ta­by­lady. Biz ótken jyly respýb­lı­kanyń EQYU-ǵa tóraǵalyǵyna qol­daý kórsettik jáne sizderdiń elderińizdiń IYU-ǵa tóraǵaly­ǵyn da qoldaımyz. Qazaqstan - biz úshin óte mańyzdy seriktes. Ha­lyqaralyq kún tártibindegi kóp­tegen máseleler boıynsha, onyń ishinde lańkestikke jáne tarat­paý­ǵa qarsy is-qımyldar týraly biz­diń pikirlerimiz ben múddelerimiz uqsas», - dedi Dj.Ordveı Prezıdentpen kezdesýden keıin, jýrnalıster aldynda sóılegen sózinde.