«Azamattyq jáne qyzmettik qarý men onyń patrondaryna krımınalıstik talaptar men synaý ádisterin bekitý týraly» Úkimet qaýlysyna ózgerister men tolyqtyrýlar engizildi

  Qazaqstan Respýblıkasy Úkimetiniń qaýlysy

2011 jylǵy 7 jeltoqsan №1483 Astana, Úkimet Úıi

«Azamattyq jáne qyzmettik qarý men onyń patrondaryna krımınalıstik talaptar men synaý ádisterin bekitý týraly» Qazaqstan Respýblıkasy Úkimetiniń 2007 jylǵy 29 qarashadaǵy № 1146 qaýlysyna ózgerister men tolyqtyrýlar engizý týraly

Qazaqstan Respýblıkasynyń «Qazaqstan Respýblıkasynyń ishki ister organdary týraly» 1995 jylǵy 21 jeltoqsandaǵy jáne «Jekelegen qarý túrleriniń aınalymyna memlekettik baqylaý jasaý týraly» 1998 jylǵy 30 jeltoqsandaǵy zańdaryna sáıkes keltirý maqsatynda Qazaqstan Respýblıkasynyń Úkimeti qaýly etedi:

1. «Azamattyq jáne qyzmettik qarý men onyń patrondaryna krımınalıstik talaptar men synaý ádisterin bekitý týraly» Qazaqstan Respýblıkasy Úkimetiniń 2007 jylǵy 29 qarashadaǵy № 1146 qaýlysyna (Qazaqstan Respýblıkasynyń PÚAJ-y, 2007 j., № 44, 524-qujat) mynadaı ózgerister men tolyqtyrýlar engizilsin:

taqyryby mynadaı redaktsııada jazylsyn:

«Azamattyq jáne qyzmettik qarý men onyń patrondaryna krımınalıstik talaptar men olardy synaý ádisterin, Azamattyq jáne qyzmettik qarý men onyń patrondarynyń krımınalıstik talaptarǵa sáıkestigine qorytyndylar berý qaǵıdalaryn bekitý týraly»;

1-tarmaq mynadaı redaktsııada jazylsyn:

«1. Qosa berilip otyrǵan:

1) azamattyq jáne qyzmettik qarý men onyń patrondaryna krımınalıstik talaptar men olardy synaý ádisteri;

2) azamattyq jáne qyzmettik qarý men onyń patrondarynyń krımınalıstik talaptarǵa sáıkestigine qorytyndylar berý qaǵıdalary bekitilsin.»;

kórsetilgen qaýlymen bekitilgen azamattyq jáne qyzmettik qarý men onyń patrondaryna qoıylatyn krımınalıstik talaptar men synaý ádisterinde:

1-bólimniń taqyryby mynadaı redaktsııada jazylsyn:

«1-bólim. Atys, belgi berý, gazdy, elektrli, pnevmatıkalyq qarýǵa, onyń patrondaryna, sondaı-aq qarýǵa qurylymdyq jaǵynan uqsas buıymdarǵa qoıylatyn krımınalıstik talaptar»;

1-bólimniń 2-taraýynyń taqyryby mynadaı redaktsııada jazylsyn:

«2. Atys, belgi beretin, gazdy, elektrli, pnevmatıkalyq qarýǵa qoıylatyn jalpy krımınalıstik talaptar»;

2-taraýdyń 2-tarmaǵy mynadaı redaktsııada jazylsyn:

«2.Úrmeli qýaty 7,5 Djoýlden (budan ári - Dj) joǵary jáne kalıbri 4,5 mıllımetrden (budan ári - mm) astam atys, belgi berý, gazdy, elektrli, pnevmatıkalyq qarýdyń mehanıkalyq tásilmen (soqqy, qysym) nemese joǵary kontsentratsııalanǵan energııa kózderin paıdalanyp, onyń ishinde lazermen oryndalǵan, tereńdigi keminde 0,2 mm ózin daralandyratyn tańbalaý belgisi (serııasy, nómiri) bolýǵa tıis.»;

20-taraýdyń 125-tarmaǵynyń birinshi abzatsy mynadaı redaktsııada jazylsyn:

«125.Oıyq jáne tegis uńǵyly atys qarýlary uńǵysyz, belgi berý, gazdy, elektrli, pnevmatıkalyq qarýlar, olardyń patrondary sııaqty, sondaı-aq otandyq jáne shetelde shyǵarylǵan qarýǵa qurylymy uqsas buıymdar.»;

21-taraý alynyp tastalsyn;

23-taraýdyń 130-tarmaǵy mynadaı redaktsııada jazylsyn:

«130. Obektilerdi synaý kelip túsken materıaldardy tirkegen kúnnen bastap 20 táýliktiń ishinde júrgiziledi.»;

26-taraýdyń 165-tarmaǵynyń 10) tarmaqshasy mynadaı redaktsııada jazylsyn:

«10) barlyq zertteletin obektilerdi krımınalıstik synaqtyń anyqtamasyna aqparattyq paraqtyń derekterimen (zertteý obektilermen birge beriletin ne Aqparattyq paraqtar jınaǵynda jarııalanǵan nemese aqparattyq-izdeý júıesinde bar) mindetti túrde salystyrý;»;

mynadaı mazmundaǵy 166-1, 166-2, 166-3-tarmaqtarmen tolyqtyrylsyn:

«166-1. Qorytyndyǵa qosymsha retinde 4-qosymshaǵa sáıkes «Krımınalıstik synaqtardyń anyqtamasyna aqparattyq paraqtyń» (budan ári - aqparattyq paraq) eki danasy resimdeledi. Aqparattyq paraqta: anyqtamanyń nómiri jáne kúni, synalǵan úlginiń ataýy, bazalyq úlginiń túrlendirý nómiri, jasaýshy, jasaýshy el, qysqasha qorytyndy kórsetiledi jáne onyń jalpy túriniń fotosýreti qosa tirkeledi.

Aqparattyq paraq qorytyndynyń nemese anyqtamanyń artqy betinde ornalastyrylady jáne sáıkestigin rastaý jónindegi organǵa jiberiledi.

Atys, sıgnal, gazdy, elektrli, pnevmatıkalyq qarýdy, onyń patrondaryn, sondaı-aq qurylymy jaǵynan qarýǵa uqsas buıymdardy zertteý nátıjeleri boıynsha aqparattyq paraqtar synalǵan úlgini Azamattyq jáne qyzmettik qarý men onyń patrondarynyń memlekettik kadastryna engizý týraly máseleni sheshý úshin ákimshilik polıtsııa bólinisterine jiberiledi.

166-2. Aqparattyq paraqtar, olardyń mórmen kýálandyrǵan kóshirmeleri, sondaı-aq belgili bir ýaqyt kezeńindegi (bir jylǵy) jınaq túrinde jarııalanǵan aqparattyq paraqtar zertteýler men saraptamalar júrgizgen kezde resmı anyqtamalyq-ádistemelik materıaldar bolyp tabylady.

166-3. Bólek paraqta resimdelgen anyqtamaǵa aqparattyq paraqtardyń telnusqalary baqylaý danasy retinde muraǵat isinde saqtalady.

Aqparattyq paraqtardyń kóshirmeleri kúntizbelik jyldyń aqparattyq paraqtarynyń jınaǵy danalaryn jasaý úshin paıdalanylady.

Aqparattyq paraqtardyń faıldary saqtalady jáne jınaqtardyń aqparattyq-izdeý júıesi túrindegi elektrondyq nusqasyn jasaý úshin derekqor qurady.

Qorytyndylarǵa qosymshalardyń kóshirmeleri muraǵatta saqtalady.»;

27-taraý alynyp tastalsyn;

osy qaýlyǵa qosymshaǵa sáıkes Azamattyq jáne qyzmettik qarý men onyń patrondarynyń krımınalıstik talaptarǵa sáıkestigine qorytyndylar berý qaǵıdalarymen tolyqtyrylsyn;

azamattyq jáne qyzmettik qarý men onyń patrondaryna qoıylatyn krımınalıstik talaptar men synaý ádisterine 1, 2 jáne 3-qosymshalar alynyp tastalsyn;

azamattyq jáne qyzmettik qarý men onyń patrondaryna qoıylatyn krımınalıstik talaptar men synaý ádisterine 4-qosymshanyń taqyryby mynadaı redaktsııada jazylsyn:

«Krımınalıstik synaqtardyń anyqtamasyna aqparattyq paraq 20 ___jylǵy «____»_________№ ________anyqtama».

2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.

                                                                      Qazaqstan Respýblıkasynyń Premer-Mınıstri K.MÁSІMOV.  

Qazaqstan Respýblıkasy Úkimetiniń

2011 jylǵy «7» jeltoqsandaǵy

№1483 qaýlysyna

qosymsha

Qazaqstan Respýblıkasy

Úkimetiniń

2007 jylǵy 29 qarashadaǵy

№ 1146 qaýlysymen

bekitilgen

Azamattyq jáne qyzmettik qarý men onyń patrondarynyń krımınalıstik talaptarǵa sáıkestigine qorytyndylar berý qaǵıdalary  

1. Jalpy erejeler  

1. Osy Azamattyq jáne qyzmettik qarý men onyń patrondarynyń krımınalıstik talaptarǵa sáıkestigine qorytyndylar berý qaǵıdalary (budan ári - Qaǵıdalar) Qazaqstan Respýblıkasynyń «Qazaqstan Respýblıkasynyń ishki ister organdary týraly» 1995 jylǵy 21 jeltoqsandaǵy jáne «Jekelegen qarý túrleriniń aınalymyna memlekettik baqylaý jasaý týraly» 1998 jylǵy 30 jeltoqsandaǵy zańdaryna sáıkes ázirlengen jáne azamattyq jáne qyzmettik qarý men onyń patrondarynyń krımınalıstik talaptarǵa sáıkestigine qorytyndylar berý tártibin aıqyndaıdy. 

2. Azamattyq jáne qyzmettik qarý men onyń patrondarynyń krımınalıstik talaptarǵa sáıkestigine qorytyndylar berý tártibi 

2. Azamattyq jáne qyzmettik qarý men onyń patrondarynyń krımınalıstik talaptarǵa sáıkestigine qorytyndy (budan ári - Qorytyndy) alý úshin aryz berýshi qarý aınalymyn baqylaý salasyndaǵy ýákiletti organǵa osy Qaǵıdalarǵa 1-qosymshaǵa sáıkes mynadaı qujattar men obektilerdi:

1) synaqtar júrgizýge aryzdy;

2) standarttaý boıynsha normatıvtik qujattardy nemese tehnıkalyq tapsyrmany, jumys syzbalaryn, fırmanyń katalogyn, qarý pasportynyń túpnusqasyn jáne ony paıdalaný boıynsha nusqaýlyqty memlekettik jáne orys tilderinde;

3) aryz berýshi fırmanyń basshylyǵy rastaǵan Qazaqstan Respýblıkasynyń aýmaǵyna ákelingen synaý obektisin satyp alý týraly sharttyń kóshirmesin;

4) synaý obektisin tizimdeme boıynsha usynady.

3. Usynylǵan qujattardy qarý aınalymyn baqylaý salasyndaǵy ýákiletti organ kúntizbelik 25 kúnnen asyrmaı qaraıdy.

Osy Qaǵıdalardyń 2-tarmaǵynda kózdelgen qujattar tolyq usynylmaǵan nemese tolyq emes aqparat usynylǵan jaǵdaıda qujattar qaralmaı aryz berýshige kúntizbelik 2 kún ishinde qaıtarylady.

4. Qarýdyń krımınalıstik talaptarǵa sáıkestigin synaý nátıjeleri boıynsha osy Qaǵıdalarǵa 2-qosymshaǵa sáıkes krımınalıstik synaqtar anyqtamasy (budan ári - anyqtama) resimdeledi.

Anyqtama usynylǵan obektilerdiń árbir bazalyq úlgisine jeke resimdeledi.

Buryn synalǵan jáne onyń nátıjeleri boıynsha Memlekettik kadastrǵa engizilgen obektiler qaıta nemese qosymsha synaýdy talap etpeıdi.

5. Anyqtamanyń negizinde osy Qaǵıdalarǵa 3-qosymshaǵa sáıkes qorytyndy resimdeledi.

6. Synalǵan obektilerge qorytyndylar tikeleı aryz berýshige beriledi.

7. Qorytyndy joǵalǵan nemese búlingen jaǵdaıda aryz berýshi kúntizbelik on kún ishinde qarý aınalymyn baqylaý salasyndaǵy ýákiletti organǵa qorytyndynyń telnusqasyn berý týraly ótinish bildiredi.

Qorytyndynyń telnusqasyn alý úshin aryz berýshi Qorytyndynyń telnusqasyn berý týraly aryz usynady.

Qorytyndynyń telnusqasy 3 jumys kúni ishinde beriledi.

Azamattyq jáne qyzmettik qarý men onyń patrondarynyń krımınalıstik talaptarǵa sáıkestigine qorytyndylar berý qaǵıdalarynyń qosymshasy resmı BAQ-tarda jarııalandy.