Azamattyq zańnamany jetildirýge baǵyttalǵan zań jobasy kelisim komıssııasynda talqylanatyn bolady
ANA. 3 qarasha. QazAqparat /Qanat Mámetqazyuly/ - Búgin QR Parlamenti Májlisiniń jalpy otyrysynda palata depýtattary «QR keıbir zańnamalyq aktilerine azamattyq zańnamany jetildirý máseleleri boıynsha ózgerister men tolyqtyrýlar engizý týraly» zań jobasyna Senat engizgen ózgeristerdi qarady.
Ol boıynsha qos palata arasynda kelispeýshilikterdi eńserý jónindegi kelisim komıssııasyn qurý týraly sheshim qabyldanyp, onyń quramyna depýtattar saılandy.
Esterińizge sala keteıik, atalǵan qujat ekonomıkany damytýdyń mańyzdy sharty retinde azamattyq zańnamanyń turaqtylyǵyn saqtaý kezinde Azamattyq kodekstiń ınstıtýttary men normalaryn jetildirýge baǵyttalady. Sonymen birge zań jobasy jeke menshik ınstıtýttarmen kelisimsharttyq qatynastardy barynsha nyǵaıtýdy kózdeıdi. Máselen, osyndaı ınstıtýttarmen kelisimsharttyq qatynastardy nyǵaıtý maqsatynda qujat boıynsha mámile jaramsyzdyǵyna, kepildik jarna ınstıtýtyn engizýge, kólik quralyn ekıpajsyz jaldaý shartyna qatysty birshama ózgerister engiziledi.
Budan bólek zań jobasymen jyljymaıtyn múlikke quqyqtardy tirkeý salasyndaǵy quqyqtyq olqylyqtardy joıýǵa baǵyttalǵan normalar qamtylyp otyr. Zańdy tulǵanyń jeke múliktik emes quqyqtardy buzǵany úshin moraldyq zııandy óndirip alý múmkindigin boldyrmaýǵa baǵyttalǵan túzetýler de engizilgen. Jalpy alǵanda jobaǵa sáıkes qoldanystaǵy 26 zań aktilerine ózgerister men túzetýler engiziledi. Senatorlar zań jobasyna 17 túzetý engizgen bolatyn. Al Májilis onyń 4-eýi boıynsha óz ustanymdaryn qorǵap shyqpaq. Osyǵan oraı kelisim komıssııasy qurylyp, onyń quramyna depýtat S. Ospanov, S. Temirbolatov jáne N. Týretskııler saılandy.
