Azamattyq zańnamany jetildirýge baǵyttalǵan zań jobasy kelisim komıssııasynda qaralady
ASTANA. 12 qarasha. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda «QR keıbir zańnamalyq aktilerine azamattyq zańnamany jetildirý máseleleri boıynsha ózgerister men tolyqtyrýlar engizý týraly» zań jobasy boıynsha qos palata arasyndaǵy kelispeýshilikti eńserý úshin kelisim komıssııasyn qurý týraly sheshim qabyldandy.
Komıssııa quramyna depýtattar saılandy.
Atalǵan qujat ekonomıkany damytýdyń mańyzdy sharty retinde azamattyq zańnamanyń turaqtylyǵyn saqtaý kezinde Azamattyq kodekstiń ınstıtýttary men normalaryn jetildirýge baǵyttalady. Sonymen birge jekemenshik ınstıtýttarmen kelisimsharttyq qatynastardy barynsha nyǵaıtýdy kózdeıdi. Máselen, osyndaı ınstıtýttarmen kelisimsharttyq qatynastardy nyǵaıtý maqsatynda qujat boıynsha mámile jaramsyzdyǵyna, kepildik jarna ınstıtýtyn engizýge, kólik quralyn ekıpajsyz jaldaý shartyna qatysty birshama ózgerister engiziledi. Budan bólek zań jobasymen jyljymaıtyn múlikke quqyqtardy tirkeý salasyndaǵy quqyqtyq olqylyqtardy joıýǵa baǵyttalǵan normalar qamtylyp otyr. Zańdy tulǵanyń jeke múliktik emes quqyqtardy buzǵany úshin moraldyq zııandy óndirip alý múmkindigin boldyrmaýǵa baǵyttalǵan túzetýler de engizilgen. Jalpy alǵanda jobaǵa sáıkes qoldanystaǵy 26 zań aktilerine ózgerister men túzetýler engiziledi.
Qos palata arasynda qurylatyn kelisim komıssııasynyń quramyna Senat tarapynan depýtat I. Ámirov, N. Joldasbaeva, ıÝ. Kýbaıchýktar saılandy.
