Azamattyq uıymdarmen birlese ustalǵandardyń jaǵdaıy kúndelikti tekserilip jatyr - Eldos Qılymjanov

NUR-SULTAN. QazAqparat – Buǵan deıin qoldanylǵan bultartpaý sharalaryn jeńildetý boıynsha jumystar júrgizilip jatyr. Bul týraly Ortalyq kommýnıkatsııalar qyzmetinde QR Bas prokýratýrasy 1-qyzmet bastyǵynyń orynbasary Eldos Qılymjanov aıtty, dep habarlaıdy QazAqparat tilshisi.

«Prokýratýra organdary azamattyq uıymdardyń ókilderimen birlese qamaýǵa alynǵandardyń jáne ustalǵandardyń jaǵdaıyn kúndelikti tekserýde. Sonymen qatar, buǵan deıin qoldanylǵan bultartpaý sharalaryn jeńildetý boıynsha jumystar júrgizilýde. Jeke bastaryn, densaýlyq jaǵdaıyn jáne ózge de sıpattaǵy materıaldardy eskerip, 157 adamǵa qoldanylǵan qamaýǵa alý eshqaıda ketpeý týraly qolhatqa, kepil, úıqamaq jáne jeke kepilgerlikke aýystyryldy. Kórsetilgen sandar túpkilikti emes, bultartpaý sharalaryn qaıta qaraý jumystary jalǵasýda», - dedi E. Qılymjanov.

Munymen qosa ol prokýrorlar jappaı tártipsizdikterge olardyń qatystylyǵy bolmaýyna baılanysty ýaqytsha ustaý abaqtylarynan 103 adamdy bosatylǵanyn jetkizdi.

Budan buryn habarlanǵandaı, bıyldyń 16 aqpanyndaǵy jaǵdaı boıynsha Bas prokýratýranyń, Іshki ister mınıstrliginiń, Ulttyq qaýipsizdik komıtetiniń jáne Sybaılas jemqorlyqqa qarsy is-qımyl qyzmetiniń tergelýindegi barlyq qylmystyq ister boıynsha 741 kúdikti sot sanktsııasymen qamaýda.

Sonymen qatar, Eldos Qılymjanov urlanǵan qarýdyń qaı bóligi tabylǵanyn aıtty.