Azamattyq ushaqtar spýtnıkpen baqylanady
ASTANA. QazAqparat - Halyqaralyq telekommýnıkatsııa odaǵy azamattyq ushaqtardy spýtnıktermen baqylaý úshin jıilik dıapazonyn bólý týraly sheshim qabyldady. Bul týraly Lenta.ru Reuters agenttigine silteme jasap habarlady.
Azamattyq avıatsııa ushaqtaryn baqylaý úshin 1087,7-1092,3 megagerts dıapazon bólinedi. Bul jıilikte ADS-B dabyly beriledi, ol laınerdiń naqty ýaqytta ornalasqan jerin baqylaýǵa múmkindik beredi. Bul ásirese, jerústi radarlary aqtańdaq jerlerde: muhıt ústinde, Jer polıýsterinde azamattyq reısterge monıtorıngi júrgizýde asa ózekti.
Monıtorıng júıesi 2016 jylǵy qarashaǵa deıin ornatylýy tıis. Áýe kemesi óziniń koordınattary týraly 15 mınýtta bir ret, nemese ekstremaldyq jaǵdaılarda jıirek habar berip otyrýy tıis.
Monıtorıng baǵdarlamasyn júzege asyrý merzimderi týraly sheshim qabyldaýǵa Malaysia Airlines kompanııasynyń «Boıng-777» ushaǵy habar-osharsyz ketkennen keıin avıakomppanııalar men retteýshilerdi synaý yqpal etti.
Jalpy erejelerdi kelisý men azamattyq ushaqtardy baqylaý júıesin ornatýdy BUU men IKAO (Halyqaralyq azamattyq avıatsııa uıymy) 2009 jyly Altant muhıtyna Air France ushaǵy qulaǵannan keıin sheshti.
Kýala-Lýmpýrdan Beıjińge ushyp shyqqan Malaysia Airlines kompanııasynyń «Boıng-777» ushaǵy 2014 jylǵy 8 naýryz kúngi túnde radar ekrandarynan joǵalyp ketti. Reıýnonnan synyqtary tabylǵanǵa deıin habarsyz ketken laıner jóninde eshqandaı belgi tabý múmkin bolmady.
