Azamattyq sot isin júrgizýdiń birqatar ózekti máseleleri kórsetilgen aktiler jınaǵy shyqty
Jınaqtyń 45-shyǵarylymy zań ǵylymdarynyń doktory A. Dıdenkonyń jaramsyz mámile teorııasy týraly maqalasynan bastalady. Basylymnyń negizgi bóliginde daýlar boıynsha jaramsyz mámileler týraly Joǵarǵy sot pen jergilikti sottardyń sot praktıkasynan alynǵan mysaldar keltirilgen. Basylymda keltirilgen sot aktileri mámilelerdi jaramsyz dep tanýdyń túrli negizderi boıynsha sot praktıkasynyń tásilderin kórsetedi.
Kepilge negizdelgen quqyqtyq qatynas jáne atqarýshylyq is júrgizý máselelerine arnalǵan jınaqtyń 46-shyǵarylymyna z.ǵ.d. A. Dıdenkonyń, z.ǵ.d. K. Ilıasovanyń, z.ǵ.d. S. Álimbekovanyń ǵylymı jarııalanymdary engen.
Basylym bankterdiń, sot oryndaýshylarynyń qatysýymen bolǵan qaryzdardy alý, kepilaqy retinde aınalymǵa engizý, atqarýshylyq is-áreketke shaǵymdaný máseleleri boıynsha daýlardy sheshýdiń sot praktıkasyna qatysty Almaty qalalyq sotynyń sot aktilerinen turady.
Jınaqtar azamattyq zańnama salasyndaǵy quqyq qoldaný máselelerimen aınalysatyndarǵa, sýdıalarǵa, quqyq qorǵaý organdarynyń qyzmetkerlerine, advokattarǵa, notarıýstarǵa, joǵary oqý oryndarynyń stýdentteri men magıstranttaryna arnalǵan.
Jınaqtar jergilikti sottar, sondaı-aq múddeli memlekettik organdarǵa, atap aıtqanda, Bas prokýratýra, Ádilet mınıstrligi, Konstıtýtsııalyq Keńeske taratylady. Budan basqa, qazaqstandyq tájirıbeni nasıhattaý jáne taratý maqsatynda birneshe danasy Táýelsiz Memleketter Dostastyǵynyń Ekonomıkalyq sotyna joldanady.
Joǵarǵy Sot Tóraǵasy Qaırat Mámı Anatolıı Dıdenkoǵa jınaqty shyǵarýǵa úles qosqany úshin alǵys hatyn joldady. Hatta ǵalymnyń azamattyq quqyqtyń ózekti máselelerimen kóp jyl jemisti aınalysqandyǵy atap ótilgen, onyń sot júıesimen yntymaqtastyǵy men birlesken jumysyna joǵary baǵa berilgen.
