Azamattyq qyzmetshilerge eńbekaqy tóleýdiń jańa modeline 278 mlrd. teńge qajet bolady
ASTANA. QazAqparat - Azamattyq qyzmetshilerge eńbekaqy tóleýdiń jańa modelin engizýge 2015 jyldyń 1 shildesinen bastap 278 mlrd. teńge qarjy bólý josparlanyp otyr. Bul týraly búgin Ortalyq kommýnıkatsııalar qyzmetindegi brıfıngte QR Eńbek jáne halyqty áleýmettik qorǵaý mınıstri Tamara Dúısenova málim etti.
«Jalpy 2015 jyldyń 1 shildesinen bastap jańa modeldi engizýge respýblıkalyq bıýdjetten qosymsha 139 mlrd. teńgeden astam qarjyny bólý qarastyrylyp otyr. Bul jarty jylǵa, al bir jylǵa 278 mlrd. teńge kóleminde qarjy kerek», - dep naqtylap ótti mınıstr.
Onyń sózine qaraǵanda, jańa model azamattyq qyzmetshiler laýazymdarynyń jańa reestrin engizýdi, eńbek jaǵdaıyna baılanysty tólemderdi ońtaılandyrý men ústemaqylardy qarastyrady.
T. Dúısenovanyń sózine qaraǵanda, reformalaý aıasynda Memleket basshysynyń memlekettik mekemeler men qazynalyq kásiporyn qyzmetkerleriniń jalaqysyn, ıaǵnı densaýlyq saqtaý salasynda 28 paıyzǵa deıin, bilim berý salasynda 29 paıyzǵa deıin, ózge de salalarda 40 paıyzǵa deıin arttyrý týraly tapsyrmasy iske asyrylatyn bolatyn.
«Azamattyq qyzmetshilerge eńbekaqy tóleýdiń jańa úlgisin engizý negizgi jalaqynyń mánin qalpyna keltiredi, ol qyzmettiń sońǵy nátıjesine táýeldiligin qamtamasyz etedi jáne qyzmetkerdiń laýazymdyq ári kásibı ósýine ıgi yqpal etetin bolady», - dep sanaıdy T. Dúısenova.
