Azamattyq qorǵaý salasyn damytýdyń 5 jyldyq keshendi jospary bekitildi
«Azamattyq qorǵaý salasyndaǵy 2023-2027 jyldarǵa arnalǵan birinshi kezektegi sharalardyń keshendi jospary bekitilsin. Tótenshe jaǵdaılar mınıstrligi jyldyń qorytyndysy boıynsha 15 aqpannan keshiktirmeı QR Úkimet Apparatyna Jospardyń iske asyrylý barysy týraly jıyntyq aqparat usynsyn», - delingen Premer-Mınıstr Álıhan Smaıylov qol qoıǵan Úkimet qaýlysynda.
Qujatta jazylǵandaı, keshendi josparǵa saı, ýaqyt kúttirmeıtin myna jumystar qolǵa alynady:
- Tabıǵı jáne tehnogendik sıpattaǵy tótenshe jaǵdaılardyń aldyn alý jáne olardy joıý boıynsha jumystardy oryndaý úshin kólik quraldary men arnaıy ınjenerlik tehnıkany satyp alý;
- Halyqty qorǵaýǵa, tabıǵı jáne tehnogendik sıpattaǵy tótenshe jaǵdaılardyń aldyn alý (onyń ishinde tekserý jáne monıtorıng) jáne olardy joıýǵa arnalǵan jabdyqtar satyp alý;
- Tabıǵı jáne tehnogendik sıpattaǵy tótenshe jaǵdaılardyń aldyn alý jáne joıý boıynsha, onyń ishinde pılotsyz ushý apparattarynyń, robottandyrylǵan tehnıkanyń jumystaryn oryndaý úshin jabdyqtar satyp alý;
- Tabıǵı jáne tehnogendik sıpattaǵy tótenshe jaǵdaılardyń aldyn alý jáne olardy joıý boıynsha jumystardy oryndaý úshin avıatsııalyq tehnıkany satyp alý;
- Arnaıy ataqtar berilgen azamattyq qorǵaý organdarynyń qyzmetkerlerine turǵyn úı tólemderin júzege asyrý;
- Basqa jerge kóshýge, sondaı-aq óz múlkin tasymaldaǵany úshin shyǵyndardy óteýge baılanysty qyzmet baby boıynsha aýysqan kezde arnaıy ataqtar berilgen azamattyq qorǵaý organdarynyń qyzmetkerlerine kóterme járdemaqy tóleý;
- Azamattyq qorǵaý organdarynyń qyzmetkerleri men TJM-niń áskerı qyzmetshilerine eńbekaqyny 10%-77% deıin arttyrý;
- Tótenshe jaǵdaılarǵa jedel den qoıýǵa jáne avarııalyq-qutqarý jáne shuǵyl jumystardy júrgizýge turaqty daıyndyǵy úshin órt sóndirý jáne avarııalyq-qutqarý jumystary qyzmetiniń qyzmetkerlerine laýazymdyq jalaqysynan 10% ústemeaqy belgileý;
- Laýazymdyq jalaqysynan 70% kólemde qutqarýshylarǵa densaýlyqqa jáne ómirge zııan keltirý qaýpimen baılanysty jumys úshin qosymsha aqy engizý;
- TJM-niń obektilerin kúrdeli jóndeýden ótkizý;
- Jańadan paıdalanýǵa beriletin obektiler úshin shtat sanyn ulǵaıtý jáne shaǵyn órt sóndirý bólimderin jasaqtaý máselesin pysyqtaý.
Tótenshe jaǵdaılar mınıstrliginiń málimetinshe, osy sharalardy iske asyrý arqyly myna nátıjelerge qol jetkizý josparlanǵan:
- memlekettik orman qorynyń orman órtterinen qorǵalý deńgeıin 40 % arttyrý;
- azamattyq qorǵaý organdarynyń bólimsheleri qorǵaıtyn eldi mekender sanyn ulǵaıtý (317-den 323 deıin) - 82% - 84% deıin;
- tabıǵı jáne tehnogendik sıpattaǵy tótenshe jaǵdaılarǵa den qoıý ýaqytyn 15 mınýttan 13 mınýtqa deıin tómendetý.;
- avıatsııalyq tehnıkamen qamtý aımaǵyn ulǵaıtý (33-ten 49 birlikke deıin) 55% - 81% deıin;
- kólik quraldarynyń sanyn (3 345-ten 4 274 birlikke deıin) 66,8% - 85,3% deıin ulǵaıtý;
- jabdyqtarmen jáne qural-jabdyqtarmen jaraqtandyrýdy ulǵaıtý (216 386-ten 334 433 birlikke deıin) 44,4% - 68,7% deıin;
- orman sharýashylyǵy men janýarlar dúnıesiniń tabıǵat qorǵaý jáne orman mekemelerin materıaldyq-tehnıkalyq jaraqtandyrýdy 100%-ǵa deıin jetkizý;
- tabıǵat qorǵaý mekemelerin orman órtterin erte anyqtaý júıesimen qamtýdy 15%-ǵa deıin jetkizý;
- qazirgi zamanǵy tehnıkalyq aqparattandyrý jáne qulaqtandyrý quraldaryn engizý arqyly halyqty qulaqtandyrýmen qamtýdy ulǵaıtý (1 714 -ten 4 339 birlikke deıin) 19% -dan 49%-ǵa deıin.
