Azamattyq qoǵamdy qalyptastyrýǵa qatysty tujyrymdamanyń alǵashqy kezeńi talapqa saı júzege asyryldy - Q.Saýdabaev

sp;ASTANA. Qarashanyń 24-i. QazAqparat /Aıdar Ospanalıev/ - Elimizde azamattyq qoǵamdy damytýǵa  baǵyttalǵan tujyrymdamanyń birinshi kezeńi boıynsha alǵa qoıylǵan mindetter tolyǵymen oryndaldy. Bul týraly búgin Astanada ótip jatqan IV Azamattyq forým barysynda Memlekettik hatshy - Syrtqy  ister  mınıstri Qanat Saýdabaev málim etti,

 dep habarlaıdy QazAqparat.

 Onyń aıtýynsha, bul baǵyttaǵy sharalarǵa úkimettik emes uıym ókilderi belsendi atsalysty. Al tujyrymdamanyń ekinshi kezeńi boıynsha Memleket basshysy aýqymdy sharalardy júzege asyrýdy mindettep otyr. «Birinshiden, úkimettik emes uıymdardyń qyzmetine qatysty quqyqtyq bazany jetildirý kerek. Bul baǵyttaǵy jumystar bizdiń osy ýaqytqa deıin qol jetkizgen jetistikterimiz men  tájirıbemiz negizinde órbýi tıis. Birinshi kezekte bizge úkimettik emes uıymdardy tirkeý sharalaryn ońtaılandyryp alǵan jón. Bul is boıynsha  halyqaralyq tájirıbege arqa súıegen abzal», dedi Q.Saýdabaev.

 Sondaı-aq elimizde memlekettik áleýmettik tapsyrystardyń sapasyna da kóńil bóletin ýaqyt jetti. Memlekettik áleýmettik tapsyrys tetikterin «Memlekettik áleýmettik tapsyrys týraly» bir ǵana zańmen retteýge bolady. "Áıtpese, bul jumystar qazir "Memlekettik satyp alýlar týraly" sııaqty ózge de birqatar zańdardyń silteme normalary negizinde júzege asyrylýda", dedi Memlekettik hatshy.