Azamattyq qoǵam ókili kámelettik jasqa tolmaǵandardyń mıtıngke qatysýyna qarsy
NUR-SULTAN. QazAqparat - «Qaraǵandy oblysynyń kásipodaqtary» oblystyq kásipodaqtar birlestiginiń tóraıymy Janna Ýalıeva 18 jasqa tolmaǵandardyń mıtıngterge qatysýyna qarsy ekenin aıtty, dep habarlaıdy QazAqparat.
Bul týraly ol Nur-Sultanda ótken beıbit jınalystar týraly zań jobasyn talqylaý kezinde málimdedi.
«Bizde aıtylǵan normaǵa qatysty shaǵymdar bar. Zańda «qatysýshy« degen uǵym bar. Qatysýshy - bul 18 jasqa tolǵan adam. Nege qatysýshynyń jasy tómendeýi kerek? Buǵan saqtyqpen qaraý kerek. Birqatar negizdi ıdeıalar bar. Bul turǵyda biz balalardyń qatysýshy bolýyna qarsymyz. Balalar UBT-ǵa daıyndalýdyń ornyna, mıtıngterge baryp, óz pikirlerin aıta ma? Uıymdastyrýshylar bul balalardy óz maqsattary úshin qoldanýy múmkin», - deıdi Janna Ýálıeva.
Onyń pikirinshe, beıbit sherýler saıası ıdeıany ǵana ustanbaıdy.
«Ártúrli qaýymdastyqtar bar. Eger biz balalarǵa 14 jastan bastap beıbit sherýge qatysýǵa ruqsat etsek, osy jastaǵy balalar normany buzǵany úshin jaýapqa tartylatynyn túsinýimiz kerek. Sonda bizde 14 jastaǵy sottalýshylar bolady jáne olar qylmystyq jaýapkershilikke tartyla ma?», - deıdi ol.
«Qaraǵandy oblysynyń kásipodaqtary» oblystyq kásipodaqtar birlestiginiń tóraıymy Janna Ýalıeva bul zań jobasy Qaraǵandyda qyzý talqylanyp jatqanyn aıtty.
«Talqylaýǵa qoǵam men memlekettik qurylym belsene qatysty. Zań kontseptýaldy, zańnyń ıdeıasy bar. Ideıa jınalystarda konstıtýtsııalyq quqyqtardy qamtamasyz etýge negizdelgen», - deıdi Janna Ýálıeva.
