Azamattyq qoǵam isteri komıtetiniń tóraǵasy taǵaıyndaldy
Din isteri jáne azamattyq qoǵam mınıstriniń 2016 jylǵy 7 qarashadaǵy № 17 buıryǵymen Álııa Qaıratqyzy Ǵalymova Din isteri jáne azamattyq qoǵam mınıstrliginiń Azamattyq qoǵam isteri komıtetiniń tóraǵasy bolyp taǵaıyndaldy.
Álııa Ǵalymova 1970 jyly Pavlodarda týǵan. 1992 jyly S.M.Kırov atyndaǵy Qazaq memlekettik ýnıversıtetin áleýmettik-saıası tártip oqytýshysy mamandyǵy boıynsha támamdady.
Eńbek ótili: Qazaqstan-german tehnıkalyq bıznes-kolledjiniń oqytýshysy (1992-1995); Pavlodar memlekettik ýnıversıtetiniń oqytýshysy (1995-2000); Eýrazııalyq ýnıversıtettiń oqytýshysy (2000-2003); Qazaqstan Respýblıkasy Prezıdenti Ákimshiliginiń bas sarapshysy, sektor meńgerýshisi, áleýmettik-saıası bólim meńgerýshisiniń orynbasary (2003-2008); Qazaqstan Respýblıkasy Prezıdenti Ákimshiligi ishki saıasat bólimi meńgerýshisiniń orynbasary (2008-2010); Pavlodar oblysy ákiminiń orynbasary (03.2010-02.2012); Qazaqstan Respýblıkasy Bilim jáne ǵylym mınıstrliginiń jaýapty hatshysy (02.2012-09.2015); «Nur Otan» partııasy Tóraǵasynyń birinshi orynbasary keńesshisi ( 02.2016 j. bastap taǵaıyndalǵanǵa deıin). Qazaqstan Respýblıkasy Parlamenti Májilisiniń V shaqyrylymynyń depýtaty.
