Azamattyq qoǵam ınstıtýttary Joldaýdy júzege asyrý joldaryn talqylady
Sharaǵa QR Qoǵamdyq damý mınıstrliginiń Azamattyq qoǵam isteri komıtetiniń tóraıymy Álııa Ǵalymova, Astana qalasy Qoǵamdyq damý basqarmasynyń basshysy Danııar Esın, «Aımaq» qoǵamdyq qorynyń tóraıymy Aıgúl Soloveva, saıasattanýshy Sultanbek Sultanǵalıev, Qazaqstan Azamattyq alıansynyń vıtse-prezıdenti Musaǵalı Dýambekov, «Qazaqstannyń zańgerler odaǵy» respýblıkalyq qoǵamdyq uıymynyń atqarýshy dırektory Ábdikárim Aqjanov qatysty.
Azamattyq qoǵam isteri komıtetiniń tóraıymy Álııa Ǵalymova Joldaýdyń Qazaqstan halqy úshin kópten kútken jáne mańyzdy jańalyq ekenin, sondaı-aq, áleýmettik-ekonomıkalyq damýdyń ózekti máseleleri men Qazaqstannyń ál-aýqatyn odan ári jaqsartý mindetterine arnalǵanyn atap ótti.
«Joldaýda qazaqstandyq qoǵamnyń barlyq negizgi aspektileri: halyqtyń tabysy, turǵyn úı, jol máselesi, turǵyn úı-kommýnaldyq sharýashylyǵy, otbasy jáne jastar, aýyl sharýashylyǵy salalary qamtylǵan.
Joldaýdyń basymdyqtary - jańǵyrý jáne reformalaý úderisteriniń logıkalyq jalǵasy bolyp sanalady. Memlekettik basqarý júıesin jetildirý, reforma júrgizý barysynda azamattyq qoǵamnyń mańyzdy máselelerdi sheshýge qatysýy - Memleket basshysy qoıǵan mindetterdi oıdaǵydaı júzege asyrýdyń basty sharty» - dep atap ótti Álııa Ǵalymova.
Dóńgelek ústel barysynda saıasatker Sultanbek Sultanǵalıev saıası partııalar, qoǵamdyq keńester, úkimettik emes uıymdar, kommertsııalyq emes qorlar sııaqty azamattyq qoǵam ınstıtýttarynyń qazaqstandyqtardyń ómirin jaqsartý úshin áleýmettik protsesterdi jandandyratyn jyljytýshy kúsh ekenin jetkizdi.
Ol Elbasynyń: «Ár qazaqstandyq azamat reformanyń mánin jáne Otanymyzdyń gúldenýi úshin olardyń mańyzdylyǵyn naqty túsinýi kerek. Olardy tabysty iske asyrý úshin búgingi tańda ortaq maqsattarǵa jetý úshin qoǵamdy shoǵyrlandyrý mańyzdy» degen sózderi halyqtyń oılaýy men dúnıetanymyna jaǵymdy áser etetinin atap ótti.
