Azamattyq qarýyn joǵaltqan tulǵalar ákimshilik jáne qylmystyq jaýapkershilikke tartylady - ІІM
ASTANA. 6 naýryz. QazAqparat - Sońǵy 3 jyl ishinde páter tonaý nátıjesinde úı ıeleriniń myńǵa jýyq azamattyq qarýlary urlanǵan, olardyń jartysy (554 dana) byltyr urlanǵan. Bul týraly búgin ótken aptalyq brıfıngte QR ІІM resmı ókili Nurdildá Oraz habarlady.
Resmı ókildiń aıtýynsha, sońǵy ýaqyttary elimiz boıynsha páter tonaý, osy rette úı ıesiniń múlkimen qosa azamattyq qarýlardyń ıaǵnı ańshy myltyqtary, travmatıkalyq, gazdy tapanshalardyń qoldy bolýy faktileri keń óris alýda.
«Biz ol qarýlardyń zańsyz aınalymǵa túsý múmkindigin joqqa shyǵara almaımyz. Tergelgen qylmystyq isterdiń qorytyndysy - qarý urlaý kóp jaǵdaıda úıge jasyrynyp kirý, esikti syndyrý nemese qarý saqtalǵan seıftiń qulpyna keletin kiltterdi iriktep alý jolymen júzege asyrylǵandyǵyn kórsetip otyr», - deıdi N. Oraz.
Onyń sózderine qaraǵanda, kóp jaǵdaıda qarýǵa arnalǵan seıfterde altyn, aqsha jáne basqa da qundy zattar saqtalǵan, bul qarý saqtaý talaptaryn buzý bolyp esepteledi. Keı kezderi qarý urlaý onyń ıeleriniń turǵylyqty mekenjaılarynda uzaq ýaqyt bolmaý kezinde júzege asqan. Qoǵamdyq qaýipsizdikti qamtamasyz etý jáne qarý urlyǵyna baılanysty qylmystar jóninde eskertý úshin Іshki ister mınıstrligi azamattyq qarý ıelerin qarý-jaraq pen oq dárilerin saqtaý boıynsha zańdaǵy normalardy qatań saqtap, erejelerdi buzbaýǵa úndeıdi.
«Sonymen qatar páter urlyǵyna jáne qylmyskerlerdi ustaýda ýaqytyly is-qımyl jasaýǵa múmkindik beretin saýdadaǵy san túrli kúzet, bólmeni baıqaý jáne baqylaý júıesiniń zamanaýı tehnologııalaryn paıdalaný usynylady. Budan bólek qarý ıesiniń uzaq ýaqyt úıinde bolmaý jaǵdaılarynda (is-sapar, demalys jáne t.s.s.) ózderine tıesili qarý-jaraq pen oq dárilerdi ýaqytsha saqtaý maqsatynda turǵylyqty mekenjaıy boıynsha ishki ister organdaryna tapsyrýy tıis», - dep atap ótti resmı ókil.
Osyǵan oraı, Іshki ister mınıstrligi azamattyq qarý ıelerine qarý saqtaýdyń bekitilgen erejelerin buzýǵa, sondaı-aq ony uqypsyz saqtaýǵa baılanysty ákimshilik jáne qylmystyq jaýapkershilik júkteletindigi týraly eskertedi.
«Qarýdy joǵaltý nemese urlatý jaǵdaılary oryn alǵan kezde qarý ıesi bul jóninde ishki ister organdaryna shuǵyl túrde habarlaýǵa mindetti. Jáne árbir fakti boıynsha qosymsha tekserister júrgiziledi», - dep atap ótti N. Oraz.
