Azamattyq isterge qatysty sot sheshimine shaǵymdaný tártibi ózgerdi - prokýratýra
11 shildede Memleket basshysy «Qazaqstan Respýblıkasynyń keıbir zańnamalyq aktilerine olardy Qazaqstan Respýblıkasy Konstıtýtsııasynyń normalaryna sáıkes keltirý máseleleri boıynsha ózgerister men tolyqtyrýlar engizý týraly» Zańyna qol qoıdy.
Zańnamalyq túzetýler 25 shildeden bastap zańdy kúshine endi. Azamattyq ister boıynsha shyǵarylǵan sot sheshimderine shaǵymdaný tártibine birqatar ózgerister engizildi.
«Azamattyq protsestik kodekstiń jańa redaktsııasyndaǵy 435-babyna sáıkes aldaǵy ýaqytta Bas Prokýror iske qatysýshylardyń ótinishteri negizinde kassatsııalyq narazylyqty tek qana prokýrordyń qatysýymen qaralǵan azamattyq ister boıynsha sot aktilerine keltire alady.
Azamattyq protsestik kodekstiń 54-babynyń 2-bóliginiń talabyna sáıkes prokýror tek 3 jaǵdaıda azamattyq iske qatysýǵa mindetti. Olar, eger sotpen qaralatyn daý memlekettiń, qoǵamnyń jáne óz-ózin qorǵaı almaıtyn azamattyń múddesine qatysty bolsa.
ıAǵnı, Bas prokýratýra basqa daýlar boıynsha zańdy kúshinen engen sot sheshimderine kassatsııalyq narazylyqty keltirý týraly ótinishterdi negizinen qaramaıdy», - deıdi A.Jdanova.
Azamattar men zańdy tulǵalar zańdy kúshine engen sot aktilerine daý aıtý ótinishin tek qana Joǵarǵy Sotqa bere alady. Sondaı-aq erekshe jaǵdaıda sot aktilerin Joǵarǵy Sot tóraǵasy engizgen usynys negizinde de qaralýy múmkin.
