Azamattyq is júrgizý máseleleri jónindegi konventsııa qabyldandy
ASTANA. QazAqparat - Búgin Parlament Senatynyń jalpy otyrysynda «Azamattyq is júrgizý máseleleri jónindegi konventsııany ratıfıkatsııalaý týraly» QR Zańy qabyldandy. Endi qujat Memleket basshysynyń qol qoıýyna joldanady.
Atalǵan konventsııa 1954 jylǵy 1 naýryzda Gaagada jasalǵan. Qujatqa sáıkes, shetelde júrgen adamdarǵa azamattyq nemese saýda isteri jónindegi qujattardy tapsyrý suraý salýshy memlekettiń konsýlynyń ótinishi boıynsha júzege asatyn bolady. Al azamattyq ister boıynsha qujattardy tapsyrý suraý salynatyn memlekettiń zańnamasy boıynsha quzyretti organnyń kómegimen júrgiziledi. Sonymen qatar, eger mundaı qujattardy tapsyrýdy sol memleket óziniń egemendigine, qaýipsizdigine nuqsan keltiredi dep sanasa ony tapsyrýdan bas tartýy múmkin.
Konventsııaǵa sáıkes, tabysy az adamdar ýaǵdalasýshy memleketterdiń biriniń azamattary jergilikti azamattarmen birdeı negizderde azamattyq hal aktilerinen úzindi kóshirmelerdi tegin berýdi talap ete alady.
