Azamattyq forýmda eshkimniń bet-júzine qaramaı, ashyq áńgimeler qozǵalady - Erimbetov
«25 qarashada elimizdiń barlyq óńirleriniń 400-ge jýyq delegatynyń basyn qosatyn 7-shi Azamattyq forým ótedi. Biz ol jerde elimizde qandaı jaıt oryn alyp jatqany tóńireginde, adamdardyń kóńil-kúıi jaıynda ashyq, ádil áńgimesý ótkizgimiz keledi. Óıtkeni, úkimettik emes uıymdar bizdiń ómirimizdiń barlyq salasynda jumys isteıdi. Biz olarǵa qur bosqa kelmeı, búgin halyq ne aıtyp jatqanyn, ózderiniń pkirlerin ashyq bildirýge shaqyramyz. Eń bastysy bizdiń forýmǵa sheshim qabyldaıtyn adamdar qatysatyn bolady. Men bizderdi de shaqyramyn. Sizder ádil, ashyq, keı kezde bet-júzińe qaramaı aıtylatyn áńgimeni kóresizder», - dedi ol.
Onyń aıtýynsha, forým aıasynda barlyq delegattar mınıstrlik basshylarymen kezdesetin bolady.
«Qazirgi ýaqytta biz barlyq mınıstrlikterdiń kelisimin aldyq», - degen ol sharanyń Ulttyq mýzeı ǵımaratynda ótetindigin aıtty.
Sonymen qatar Erimbetov sharany ótkizýge qansha qarjy jumsalatyndyǵyn atap ótti. «Jańa qurylǵan mınıstrlik (Din ister jáne azamattyq qoǵam mınıstrligi) janynan ashylǵan arnaıy grant beretin mekeme bar. Sol mekeme bizdiń sharamyzǵa 30 mıllıon teńge bólip otyr. Ol qarjyǵa kitap shyǵarý, kórme uıymdastyrý, forým ótetin orynnyń jaldaý aqshasyn tóleý jáne uıymdastyrý jumystary júrgiziledi», - degen alıans basshysy óńirlerden keletin delegattardy kútip alý jumystaryn ár mınıstrlik óz moınyna alyp otyrǵandyǵyn eskertip ótti.
Al Qazaqstannyń Azamattyq alıansy dırektory Ildar Kátenov óz sózinde forým aıasynda úkimettik uıymdar arasynda «Tanym» syılyǵyn tabystaý rásimi ótetindigin aıtty.
«Forým aıasynda úkimettik emes uıymdardyń eń úzikterin marapattaý sharasy ótedi. «Tanym» syılyǵynyń 14 atalymy bar. Onyń 13-i boıynsha biz ÚEU qyzmetiniń túrli baǵyttary boıynsha tabystaımyz. Al 14-shi syılyq el aýmaǵynda úzdik tanylǵan, azamattyq qoǵamdy damytýǵa zor úles qosqan uıymǵa tabystalady», - dedi ol.
