«Azamattyq bastamalardy qoldaý ortalyǵy» qoǵam aldynda esep berdi
«Basty maqsatymyz azamattyq qoǵam ınstıtýttaryn áleýmettik salany damytýdyń ózekti máselelerin sheshýge barynsha tartý boldy. Eger 2016 jyly 11 grant bólinse, aǵymdaǵy jyly olardyń sany 57-ge jetti. Sáıkesinshe qarjylandyrý kólemi de 3 ese artty. Osy jyly granttardy jeńip alǵan úkimettik emes uıymdardyń sany 49 edi. Ótken jyly nebári 10 uıym ǵana bolǵan», - dedi ol.
Onyń aıtýynsha, bıyl ÚEU-ler barynsha belsendilik tanytqan. Granttardy utyp alýǵa 327 uıymnan 512 ótinim túsken.
«Bul úkimettik emes uıymdardyń áleýmettik problemalardy sheshýde memleketpen ózara is-qımylǵa daıyn ekendigin kórsetedi. Ótinimder men granttar sany boıynsha Almaty men Astana qalalary kósh basynda boldy. Osy rette óńirlik ózge de ÚEU-lerdi granttyq konkýrstarǵa belsendi qatysýǵa shaqyramyn»,- dedi basqarma tóraǵasy.
Óteshevtiń dereginshe, 39 áleýmettik qyzmet qurylǵan. Olarǵa kez kelgen azamat kómek surap bara alatyn aqparattyq, bilim, keńes berý jáne áleýmettik qyzmetter toptastyrylǵan. 6 senim telefony uıymdastyrylǵan.
«Temirtaý qalasynyń «Meniń úıim» qoǵamdyq birlestiginiń senim telefonyna qıyn jaǵdaıǵa tap bolǵan 615 adam habarlasqan. Bul problemanyń tipti kishkentaı qala úshin de mańyzdy ekendigin bildiredi. 35 zertteý jumysy, 400 oqytý sharasy ótkizilip, olarǵa 39 ulttyq jáne 7 halyqaralyq sarapshy tartyldy», - dedi ol.
