Azamattyq bastamalar granty aýyl turǵyndaryna baǵyttalady
«Jergilikti ózin-ózi basqarýdy ári qaraı jańǵyrtýdyń basty faktory – azamattyq mádenıetti damytý. Prezıdent Ákimshiliginiń aldynda aýyldarda azamattyq bastamalardy qoldaýdyń tıimdi tetigin ázirleý mindeti tur. Granttyq qarjylandyrý júıesin aýyldaǵy úkimettik emes uıymdardyń ótinimine beıimdep, ol granttardy alý joldaryn jeńildetý mańyzdy. Bul aýyldaǵy áleýmettik belsendilikke serpin beredi», dedi Memleket basshysy Prezıdent Parlament palatalarynyń birlesken otyrysynda.
Sondaı-aq, Prezıdent Joldaýynda Ulttyq qordyń aktıvterin qalpyna keltirý úshin bıýdjettik erejege kóshýdi jedeldetýdi tapsyrdy.
«Sońǵy kezde memlekettik shyǵys mindettemelerin jabý úshin bıýdjet tapshylyǵy men Ulttyq qordan alynatyn transferttiń artý tendentsııasy baıqalýda. Únemi mundaı jeńil jolmen júrý múmkin emes. Qarjylyq turaqtylyq qory sheksiz emes. Bıýdjettiń kirisin arttyrý boıynsha sharalar qajet ekeni anyq. Biraq birinshi kezekte memlekettik shyǵyndardyń kólemi men tıimdiligine baqylaý kerek. Ulttyq qor aktıvterin qalpyna keltirý úshin bıýdjettik erejeni engizýdi jedeldetý kerek. Tıisti zańnamalyq túzetýler jyldyń sońyna deıin qabyldanýy qajet», - dedi Prezıdent.
