«Azamattyq baqylaý – chekti talap et» aktsııasyna qatysýshylarǵa 4 mln teńgeden astam syıaqy tólendi

NUR-SULTAN. QazAqparat – «Azamattyq baqylaý – chekti talap et» jyl saıynǵy aktsııasy 12 mamyrdan bastap ótkizilýde, dep habarlaıdy QazAqparat tilshisi QR Qarjy mınıstrligi Memlekettik kirister komıtetine siltememen.

Aktsııa sheńberinde azamattar fıskaldyq chektiń berilmeýine jáne banktik kartany qabyldaýdan bas tartýǵa qatysty buzýshylyqtar týraly habarlaı alady.

«Azamattyq baqylaý – chekti talap et» aktsııasyna barlyq adamdardyń qatysýyna bolady. MKK barlyq joldanǵan ótinishterdi memlekettik kirister organdarynda qaralatynyn aıtty.

App Store jáne Play market-ten «Wipon» mobıldi qosymshasyn tegin júkteý arqyly fıskaldyq chektiń berilmeýi jáne banktik kartany qabyldaýdan bas tartý faktileri týraly habarlaýǵa jáne buzýshylyq faktileri rastalǵan jaǵdaıda telefon teńgerimine syıaqy (1000 teńge) alýyna bolady.

Aktsııany júrgizý bastalǵannan bastap aǵymdaǵy jyly azamattardyń habarlamalary boıynsha 4262 buzýshylyq faktileri rastaldy, olarǵa 4262 mln teńge somasynda syıaqy tólendi (onyń ishinde qaıta chek bermegen 191 kásipkerlerge 6,5 mln. teńge aıyppul salyndy).

Aktsııany paıdalanatyn azamattardyń belsendiligi boıynsha kóshbasshylar úshtigine Mańǵystaý ( 1 113), Soltústik Qazaqstan ( 1 016) jáne Qaraǵandy oblysynyń ( 993) turǵyndary kiredi.

Chek bermeý boıynsha buzýshylyqtar sanynyń kóshbasshylary Almaty oblysy, Soltústik Qazaqstan oblysy jáne Batys Qazaqstan oblysy bolyp tabylady.

Memlekettik kirister komıteti Qazaqstan Respýblıkasynyń barlyq azamattaryn óz azamattyq ustanymyn bildirýge, zań buzýshylyqqa tózbeýshiligin kórsetýge jáne «Azamattyq baqylaý – chekti talap et» aktsııasyna belsendi qatysýǵa shaqyrady
.