Azamattyq avıatsııadaǵy ınspektorlardyń mártebesi zań deńgeıinde bekitiledi

Búgin QR Parlamenti Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine kólik máseleleri boıynsha ózgerister men tolyqtyrýlar engizý týraly» zań jobasy boıynsha baıandaǵan Kólik jáne kommýnıkatsııa mınıstri Asqar Jumaǵalıev osylaı málim etti.

Mınıstrdiń aıtýynsha, reıs ushpaı qalǵanda nemese keshikkende áýe kompanııalary jolaýshylardy ystyq tamaqpen qamtyp, olardy qonaq úılerge ornalastyrýy, ózge qyzmetter de kórsetýleri kerek. Alaıda, áýe kompanııalary bul talapty oryndamaı otyr. «Jolaýshylardyń quqyǵyn qorǵaý maqsatynda osyndaı qyzmetterdi kórsetpegeni úshin ákimshilik jaýapkershilik belgilenedi. Aerovokzalda jolaýshylarǵa tolyq ári sapaly qyzmet kórsetý úshin mindetti sharttar da belgilenedi. Ushý qaýipsizdigin qamtamasyz etýde áýe qozǵalysyna dıspetcherlik qyzmet kórsetýdiń mańyzy zor. Osyǵan oraı, áýe qozǵalysynda dıspetcherlik qyzmet kórsetý organdaryn sertıfıkattaý usynylady. Sonymen qatar, ınspektorlardyń mártebesi zań deńgeıinde bekitiletin bolady», - deıdi Asqar Jumaǵalıev. Mınıstrdiń sózine qaraǵanda IKAO sarapshylary tartyla otyryp, Qazaqstan avıatsııasyn Eýropanyń «qara tiziminen» shyǵarýǵa baǵyttalǵan túzetýler de qujatqa engizilgen.