Azamattyq avıatsııa salasynda 2020 jylǵa qaraı 15 áýejaıdy IKAO talaptaryna engizý josparlanyp otyr
ASTANA. Aqpannyń 19-y. QazAqparat /Rýslan Ǵabbasov/ - Áýe tasymalynda tranzıttik kólemdi jáne halyqaralyq áýe qatynastaryn eki eseden astam kórsetkishke arttyrý josparlanyp otyr. Bul týraly búgin Astanada ótken alqa májilisinde Ábilǵazy Qusaıynov málim etti,
dep habarlaıdy QazAqparat.
«Azamattyq avıatsııa salasynda 2020 jylǵa qaraı 15 áýejaıdy IKAO talaptaryna saı keltirý josparlanýda. Búginde bul kórsetkish 10-ǵa jetip otyr»,-dedi mınıstr.
Á. Qusaıynov áýe tasymalynda básekelestik naryǵy qalyptastyrylyp, tranzıttik tasymal kólemi men halyqaralyq áýe qatynastary sanyn eki eseden astam arttyrý kózdelip otyrǵanyn jetkizdi.
Munymen qosa, jıyn barysynda Azamattyq avıatsııa komıtetiniń tóraǵasy Rádilbek Ádımolda bul salada bilikti mamandarmen qamtamasyz etý máselesi turǵysynda tıisti sharalardy atqarý kerektigin aıtyp ótti.
