Azamattyq avıatsııa salasynda 19 memlekettik qyzmet ońtaılandyrylady
ASTANA. 13 qyrkúıek. QazAqparat - QR Kólik jáne kommýnıkatsııa mınıstri Asqar Jumaǵalıev bekitken
«Qazaqstan Respýblıkasy Avıatsııalyq ákimshiliginiń jumysyn avtomattandyrý jónindegi Іs-sharalar josparyna» sáıkes, azamattyq avıatsııa salasy boıynsha 19 memlekettik qyzmet ońtaılandyrylady jáne avtomattandyrylady. Bul týraly vedomstvonyń baspasóz qyzmetinen habarlandy.
Atap aıtqanda, birinshi kezekte, «Azamattyq áýe kemeleriniń ushýǵa jaramdylyǵy týraly sertıfıkatty berý» qyzmeti aǵymdaǵy jyldyń sońyna deıin avtomattandyrylyp, ońtaılandyrylady. Atalǵan qyzmetti «elektrondyq lıtsenzııalaý» www.elicense.kz portaly arqyly alýǵa bolady. Eger buǵan deıin qyzmetti alý úshin 5 túrli qujat talap etilgen bolsa, endi olardyń sany 2 qujatqa qysqarǵan. Osy qujatqa sáıkes QR Kólik jáne kommýnıkatsııa mınıstrligi Azamattyq avıatsııa komıtetiniń 2012-2014 jyldarǵa arnalǵan aqparattyq-taldaý júıesin ázirleýdi josparlaýda. Jańa júıe ótinishterdi óńdeý ýaqytyn qysqartyp, derekterdi saqtaýdy ortalyqtandyrady, qaǵazbastylyqtan aryltady, memlekettik qyzmetterdi usyný barysynda eńbek shyǵyndaryn azaıtady. Bul júıe «elektrondyq úkimet» jobasymen jáne azamattyq avıatsııa salasyndaǵy halyqaralyq uıymdardyń aqparattyq júıesimen biriktiriledi.
