Azamattyq avıatsııa qyzmetkerleri arasynda mını-fýtbol boıynsha týrnır ótkizildi
ASTANA. 22 tamyz. QazAqparat /Qanat Mámetqazyuly/ - Aǵymdaǵy jylǵy 19-21 tamyz aralyǵynda «Astana halyqaralyq áýejaıy» AQ stadıonynda Kólik jáne kommýnıkatsııa mınıstrligi azamattyq avıatsııa komıtetiniń qoldaýymen azamattyq avıatsııa qyzmetkerleriniń arasynda mını-fýtbol boıynsha Qazaqstan Respýblıkasy Táýelsizdiginiń 20 jyldyǵyna arnalǵan týrnır ótkizildi.
Bul týraly mınıstrliktiń baspasóz qyzmetinen habarlandy.
Azamattyq avıatsııa qyzmetkerleri úshin dástúrge aınalǵan atalǵan týrnır osymen tórtinshi ret ótkizilip otyr. Týrnırge Qazaqstannyń azamattyq avıatsııasynyń túrli avıakásiporyndarynan 10 komanda qatysty. Barlyq komandalar joǵary daıyndyq pen jeńiske degen qushtarlyǵyn kórsetti. Tartysty jáne ymyrasyz saıysta týrnırde birinshi oryndy jáne aýyspaly kýbokty kásiporynnyń basshysy Aıbol Bekmuhambetov basqaratyn «Almaty halyqaralyq áýejaıy» AQ komandasy úshinshi ret jeńip aldy. Ekinshi oryndy «Aqtaý halyqaralyq áýejaıy» AQ, al úshinshi oryndy «Atyraý halyqaralyq áýejaıy» ıelendi.
