Azamattyq avıatsııa komıtetine bilikti kadrlar qabyldaý jalǵasýda
ASTANA. 26 tamyz. QazAqparat - Azamattyq avıatsııa komıtetine bilikti kadrlardy qabyldaý jalǵasýda. Bul qabyldaý komıtettiń shtatyn avıatsııalyq bilim alǵan jáne osy salada jumys atqarýda edáýir tájirıbe jınaqtaǵan bilikti mamandarmen tolyqtyrý maqsatymen jarııalanǵan bolatyn, dep habarlady QR Kólik jáne kommýnıkatsııa mınıstrliginiń baspasóz qyzmetinen.
QR Kólik jáne kommýnıkatsııa vıtse-mınıstri Azat Bekturov atap kórsetkendeı, konkýrstyq komıssııa músheleri kandıdattardy tańdaǵanda, eń aldymen olardyń kásibı deńgeıi jáne jumys tájirıbesine basty nazar aýdarady. Onyń aıtýynsha, qazirgi tańda Qazaqstanda azamattyq avıatsııanyń memlekettik organdarynda qyzmet atqarýǵa barlyq jaǵdaı jasalǵan. Memleket basshysynyń Jarlyǵymen olardyń eńbekaqy kólemi ulǵaıtylyp, sala kásiporyndaryndaǵy ortasha jalaqy deńgeıine jetkizildi. «Sondyqtan tıisti biliktiligi men tájirıbesi bar úmitkerlerdiń barlyǵy konkýrsqa qatysa alady. Bizge naǵyz mamandar qajet»,- dedi ol.
Búgingi kúnge ushýdy paıdalaný basqarmasyna, ushý jaramdylyǵy basqarmasyna memlekettik ınspektorlar, aeronavıgatsııa basqarmasynyń memlekettik ınspektory, áýejaılar basqarmasynyń memlekettik ınspektory, sonymen birge halyqaralyq qatynas jáne avıatsııalyq tasymal basqarmasynyń sarapshy laýazymdaryna vakansııalar ashylǵandyǵyn atap ótýge bolady.
Komıtet biliktilik talaptaryn da belgiledi. Eń aldymen úmitker memlekettik qyzmetke alynýda talap etiletin standartty rásimderden, atap aıtqanda testileýden ótýge tıis. Ekinshi kezeń - áńgimelesýden ótý. Onda saladaǵy tájirıbesi mol mamandarǵa, sonymen qatar qazir jumys atqaryp júrgen ushqyshtarǵa, ınjenerlerge, aeronavıgatsııa dıspetcherlerine jáne áýejaı qyzmeti men avıatsııa tasymalynda júrgen mamandarǵa artyqshylyq beriledi.
Atalǵan talaptarmen qosa ushýdy paıdalaný, ushý jaramdylyǵynyń aeronavıgatsııasy boıynsha kandıdattardyń Eýropa avıatsııalyq standarttarymen jumys jasaý tájirıbesi, soǵan sáıkes tıisti kýrstardan ótti degen sertıfıkattary bolýy shart, sonymen birge IKAO-nyń baǵalaý shkalasyna sáıkes deńgeıde aǵylshyn tilin bilýi qajet.
Bunyń syrtynda, IKAO-nyń Tehnıkalyq yntymaqtastyq bıýrosy perrondardy tekserý jóninde jattyǵýlar ótkizip, konsýltatsııalyq kómek kórsetip otyrady. Ushý qyzmetiniń mamandary úshin trenajerlik daıyndyqtan ótý jáne ushý biliktiligin qoldaý, sonymen birge barlyq ınspektorlardy biliktilik kýrstarynda oqytý sharalary belgilengen.
