Azamattyq avıatsııa komıteti «Skat» avıakompanııasyn tekserýdi bastady
ASTANA. QazAqparat - «Skat» avıakompanııasynyń áýe kemelerine qatysty oqıǵalarǵa baılanysty QR KKM Azamattyq avıatsııa komıteti tekseris júrgizýdi bastady.
Bul týraly KKM baspasóz qyzmetinen habarlandy. Olardyń sebepteri anyqtalyp, sonymen birge avıakompanııanyń ushý qaýipsizdigin qamtamasyz etýine baılanysty jappaı tekseris júrgiziledi.
Eske sala ketsek, «Skat» avıakompanııasynyń «Boıng-737» ushaǵy 7 sáýirde Shymkentten Astanaǵa ushý barysynda aldyńǵy shassıiniń isten shyǵýyna baılanysty Astananyń áýejaıyna apattyq jaǵdaıda qonýyna týra kelgen. Ushqyshtardyń, áýejaı jáne Azamattyq avıatsııa komıteti Tótenshe jaǵdaılar mınıstrligi qyzmetkerleriniń birlesken jumysynyń arqasynda áýe kemesi sátti qondy: borttaǵy barlyq 94 adamnyń (5 ekıpaj múshesi jáne 89 jolaýshy) eshqaısysy zardap shekken joq.
