Azamattyq avıatsııa komıteti kúrdeli meteojaǵdaıda ushý erejesin qatań saqtaýdy eskertedi
ALMATY. QazAqparat - QR Azamattyq avıatsııa komıteti kúrdeli meteojaǵdaıǵa baılanysty ushý erejelerine sáıkes barlyq áýe kompanııalary men ekspýlatanttarǵa habarlama jiberdi. Bul týraly komıtettiń Feısbýktegi paraqshasynda jarııalandy, dep habarlaıdy QazAqparat tilshisi.
«Komıtet azamattyq avıtsaııa salasynda ushý erejesin qatań saqtaýdy eskertedi. Bul erejeler QR Investıtsıalar jáne damý mınıstrliginiń 2017 jyly 28 shildedegi HP509 buıryǵymen qabyldanǵan. Qujatta prıbor boıynsha ushý erejeleri máseleleri men kúrdeli meteojaǵdaı kezinde vızýaldy ushý erejeleri boıynsha ushý-qoný týraly sheshim qabyldaý týraly aıtylǵan», - dedi habarlamada.
Eske sala ketsek, keshe Almatyda Naýryzbaı aýdanyna qarasty Taý samaly shaǵyn aýdanynda tikushaq apatqa ushyrady.
«Alataý» shıpajaıynyń ashyq aýmaǵyna «Sky Service» áýe kompanııasynyń jeke menshigindegi Evrokopter-130 tikushaǵy qulady.
51 jastaǵy ushqysh Valentın Shıtov jedel járdem kóliginde qaıtys boldy. Tikushaq Boraldaı-Úlken Almaty kóli baǵytynda ushyp bara jatqan.
Al kóliktegi PD qyzmetkerleri atalǵan derekke baılanysty QR QK 344-babyna sáıkes sotqa deıingi tergeý isi tizilimine tirkedi (Áýe kóligin paıdalaný kezinde jol qozǵalysy erejelerin buzý). Qazir tergeý jumystary júrgizilip jatyr.
