Azamattyq avıatsııa komıteti qostanaılyq «Faýna Eır» áýe kompanııasynyń qyzmetin toqtatty
QOSTANAI. QazAqparat - Qazaqstannyń Indýstrııa jáne ınfraqurylymdyq damý mınıstrliginiń Azamattyq avıatsııa komıteti Qostanaı qalasyndaǵy «Faýna Eır» áýe kompanııasynyń qyzmetin toqtatty, dep habarlaıdy QazAqparat tilshisi.
2018 jyldyń 22 maýsymynda Qostanaı oblysy Altynsarın aýdany Dokýchaevskıı aýyldyq okrýginiń mańynda «Faýna Eır» JShS-niń An-2 UP-A0316 áýe kemesinde bolǵan avıatsııalyq oqıǵa faktilerin jasyrý boıynsha qalyptasqan jaǵdaıǵa baılanysty Azamattyq avıatsııa komıteti QR ІІM Kóliktegi polıtsııa departamentimen birlesip júrgizgen qylmystyq is statýsyn qosymsha qaraý kezinde «Faýna Eır» JShS-niń avıatsııalyq jumystardy oryndaý quqyǵyn beretin kýáliktiń qyzmetin toqtatty», - dep habarlady AAK-dan.
Eske sala keteıik, 2018 jyldyń shilde aıynda Qostanaı oblysynda «Faýna Eır» áýe kompanııasynyń aımaqta avıatsııalyq-hımııalyq jumystardy oryndaıtyn barlyq An-2 áýe kemeleriniń paıdalanylýyna tyıym salynǵan. Olar zańsyz áýe kemesin paıdalanýda kúdikti tanylǵan.
Avtor: Janna Musabaeva
