Azamattyq avıatsııa komıteti Astana-Ystambul reısiniń 30 saǵatqa keshigý sebebin túsindirdi

ASTANA. QazAqparat – QR Azamattyq avıatsııa komıteti Astana-Ystambul baǵytyndaǵy RS-229 reısi ushý ýaqytynyń nelikten 30 saǵatqa keshikkendigin túsindirdi, dep habarlaıdy QazAqparat tilshisi.

«Osy jyldyń 26 qarashasyndaǵy «Pegasus Airlines» áýe kompanııasynyń Astana-Ystambul baǵytyndaǵy RS-229 reısiniń ushý ýaqyty tehnıkalyq sebepterge jáne ekıpaj ýaqytynyń aıaqtalýyna baılanysty 30 saǵatqa keshigýde. 27 qazan kúngi saǵat 11-00-degi jaǵdaı boıynsha reıstiń ushýy tehnıkalyq sebepterge baılanysty keshigip jatyr», - dep atap ótti Azamattyq avıatsııa komıtetinen.

Komıtet málimetinshe, reısi keshiktirilgen jolaýshylarǵa Qazaqstan Respýblıkasynyń zańnamasyna sáıkes, reıs keshikken kezinde kórsetiletin qyzmetter (sýsyn, ystyq tamaq, qonaq úıge ornalastyrý) usynylǵan.

«Azamattyq avıatsııanyń basty basymdyǵy – bul ushýlardyń qaýipsizdigi», - dep atap ótedi atalǵan vedomstvonyń baspasóz qyzmetinen.