Azamattyq avıatsııa komıteti 8 saǵat keshikken «Almaty–Antalıa» reısine qatysty túsinik berdi
«2022 jylǵy 3 tamyzdaǵy Almaty – Antalıa baǵyty boıynsha KS915 reısi jergilikti ýaqyt boıynsha saǵat 09:40-ta B-767 áýe kemesimen (tirkeý nómiri P4-KEA) oryndalýy josparlanǵan bolatyn. Alaıda, tehnıkalyq sebepterge baılanysty áýe kemesi aýystyryldy. Sondyqtan osy reıs 2022 jylǵy 3 tamyz kúni Almaty qalasy ýaqytymen saǵat 18:00-ge deıin keshiktirildi. Keshigý ýaqyty 8 saǵat 20 mınýtty qurady. 2022 jylǵy 3 tamyzdaǵy « Antalıa–Almaty « baǵyty boıynsha KS916 reısi áýe kemesiniń kesh kelýi sebebinen Antalıa ýaqyty boıynsha saǵat 13:40-tan 21:40-qa deıin keshiktirildi « delingen habarlamada .
Komıtet taratqan aqparatqa saı, keshiktirilgen reıstiń barlyq jolaýshylaryna Qazaqstan Respýblıkasynyń áýe keńistigin paıdalaný jáne avıatsııa qyzmeti týraly Zańnyń 86-babyna sáıkes qyzmet kórsetý (ana men bala bólmesi, salqyn sýsyndar, tamaq, qonaq úı) qarastyrylǵan. Avıakompanııa osy talaptardy oryndamaǵan nemese tıisti dárejede oryndamaǵan jaǵdaıda, jolaýshylardy elimizdiń qoldanystaǵy zańnamasynda kórsetilgen sharalardy qabyldaý úshin «Qazaqstannyń avıatsııalyq ákimshiligi» AQ-nyń Tasymaldaý departamentine saǵat 9.00-den 18.00-ge deıin myna telefondar +77172798215, + 77172798213, + 77172798229 nemese cc@caakz.kz elektrondyq poshtasy arqyly shaǵym túsire alady.
Áýe kóliginiń negizgi basymdyǵy jolaýshylardy tasymaldaýdaǵy qaýipsizdik máselesine berilgen, Eger qaýipti jaǵdaı tasymal qaýipsizdigine qater tóndiretin bolsa, tasymaldaýshy olardy joıýy tıis. Bul ádette reıstiń keshigýine yqpal etedi.
