Azamattyq avıatsııa brıtandyq úlgi boıynsha basqarylady
ASTANA. QazAqparat - Qazaqstandaǵy azamattyq avıatsııa salasyn basqarý úshin QR Investıtsııalar jáne damý mınıstrligi brıtandyq modeldi engizýdi kózdep otyr. Bul týraly OKQ-da ótken baspasóz máslıhatynda QR Investıtsııalar jáne damý mınıstri Jeńis Qasymbek málim etti, dep habarlaıdy «QazAqparat» HAA tilshisi.
«2017 jyl Qazaqstannyń azamattyq avıatsııasy úshin shynynda da, erekshe boldy. Biz tuńǵysh ret 23 paıyzdyq ósimge qol jetkizip, sońǵy 5-6 jyldaǵy eń aýqymdy kórsetkishke qol jetkizdik. Sonymen birge, osy jyldyń alǵashqy eki aıyndaǵy jumys ta turaqty jumystyń júrip jatqanyn kórsetti. 2 aıdyń qorytyndysy boıynsha jolaýshylar aǵymy 20 paıyzǵa, tranzıttik aǵym 25-27 paıyzǵa artty», - dedi mınıstr.
Onyń aıtýynsha, ótken jyly Astana qalasynda jolaýshylar termınaly paıdalanýǵa berilgen. Petropavl qalasyndaǵy áýejaıda jóndeý jumystary aıaqtalyp, Semeıdegi áýejaıdy jóndeý jumystary bastalǵan. Bıyl endigi kezekte Qostanaı qalasyndaǵy áýejaıdy jóndeý jumystaryn júrgizilgeli jatyr.
Azamattyq avıatsııa salasyndaǵy ilgerileýshilikti mınıstr «Skat» pen «Eır Astana» áýe kompanııalarynyń jumysynan da baıqaýǵa bolatynyn jetkizdi.
«Sonymen birge, atalmysh saladaǵy qaýipsizdik máselesi árdaıym birinshi kezekte tur. Biz búgingi kúni brıtandyq áriptestermen (Brıtan azamattyq avıatsııasy agenttigi) birge belsendi túrde azamattyq avıatsııany brıtandyq ádispen basqarý modeli tájirıbesin zerttep jatyrmyz. Bul jolmen buryn Sıngapýr, Dýbaı júrip ótken edi. Biz de jyl boıynda tıisti sharalardy qabyldap, atalmysh modelge ótýdi josparlap otyrmyz», - dedi Jeńis Qasymbek.
