Azamattyq ala almaı júrgen oralmanǵa «Jolda qabyldaý» aktsııasynda kómek berildi
«Jolda qabyldaý» aktsııasy barysynda turǵyndardyń kóbi jol qozǵalysyn tıimdi uıymdastyrý, aıyppul tóleý, kólikti tirkeý sııaqty máseleler boıynsha júgingen. Oblys aýmaǵynda shetel azamattaryn tirkeý, olardy jumysqa alý máselesi boıynsha da kóptegen saýaldar túsken.
«Bul shara halyqpen keri baılanys ornatýǵa ońtaıly. Instagram jelisi arqyly da turǵynmdarmen onlaın rejimde dıalog quryp, suraqtaryna jaýap berdik», - deıdi oblystyq Polıtsııa departamentiniń baspasóz qyzmetshisi Azamat Raısov.
Shara barysynda ulty qazaq sheteldik azamat qujattaryn retteýge múmkindik alǵan.
«Jyl aıaǵyna deıin jalǵasatyn oralman mártebesin bir ret uzartý aktsııasy aıasynda qujattarynyń merzimi ótip ketken qandasymyzdyń máselesi oń sheshimin tapty. Ol oralman mártebesin kýálandyratyn qujatty der kezinde uzartpaǵan. Sonyń kesirinen Qazaqstan Respýblıkasynyń azamattyǵyn alýǵa qujat tapsyra almaı kelgen. Kóshi-qon qyzmeti basqarmasynyń mamandary bir rettik aktsııa aıasynda oǵan jáne otbasyna ońtaılandyrylǵan tártipte azamattyq alýǵa múmkindik beretin usynym hat daıyndady», - deıdi departament ókili.
