Azamattyq alıans elimizdiń úkimettik emes uıymdar sektoryn damytý boıynsha qoǵamdyq onlaın-tyńdaýlar ótkizedi
Árbir ınternet qoldanýshy sarapshyǵa óz suraqtaryn qoıa alady. Tyńdaýlardyń taqyryptar aıasy keń: Qazaqstandaǵy volonterlik qozǵalystyń damýynan bastap, zań jobalary men bıýdjettik baǵdarlamalardy qoǵamdyq baǵalaýǵa deıin.
«Bizdiń túpki maqsatymyz - qoǵamdyq sektordyń damýy men jalpyulttyq máseleler boıynsha pikirtalasty týǵyzý. Biz úkimettik emes uıymdar týraly azamattardyń kóbirek bilýin, qoǵamdyq sektor sarapshylar jelisin jetildirýdi qalaımyz. Bizdiń barlyq jobalarymyz úkimettik emes uıymdar sektorynyń damýy men kúsheıýine, sonymen qatar, azamattardyń ál-aýqatynyń joǵarylaýyna baǵyttalǵan», deıdi Azamattyq alıanstyń Úkimettik emes uıymdardy damytý baǵdarlamalrynyń dırektory Andreı Emelın.
Sonymen qosa, qoǵamdyq tyńdaýlar máseleleriniń biri - úkimettik emes uıymdar men memlekettik organdar úshin talqylanatyn suraqtardyń sheshimi boıynsha usynystar jasaý.
Tyńdaýlar taqyryptary boıynsha talqylaý aıaqtalǵannan keıin, elimizdiń oblystarynda qorytyndy sharalar júrgiziledi. Qorytyndy tyńdaýlarda árbir taqyryp boıynsha 4-5 oblys atsalysady.
Onlaın-tyńdaýlardyń formaty - «úshinshi sektormen» jumys boıynsha Azamattyq alıanstyń taǵy bir ınnovatsııasy. Qazaqstannyń qoǵamdyq uıymdary úshin beıresmı konferentsııalardy ótkizý formasy synaqtan ótip, qoldanysqa engizilgen, azamattyq baqylaýdyń aktsııalary júrgizilýde. 2011 jyldyń qańtarynda úkimettik emes uıymdar mektebiniń ashylýy josparlanǵan.
23-30 qarasha aralyǵynda Azamattyq alıans portalynda Qazaqstandaǵy volonterlikti damytý máseleleri talqylanady. Atap aıtqanda, aldaǵy EQYU sammıti men 2011 jylǵy Azıadaǵa volonterlerdi daıyndaý máseleleri qarastyrylady. Onlaın-tyndaýlarǵa qatysý úshin sivilsociety.kz siltemesi arqyly ótý kerek.
