Azamattyǵyn eskertpeı aýystyrǵandar jaýapkershilikke tartylady - ІІM
ASTANA. QazAqparat - Shetelge kóship ketken keıbir qazaqstandyqtar basqa eldiń azamattyǵyn alǵany týraly ýaqtyly eskertpeı jatady, dep habarlaıdy «QazAqparat» HAA tilshisi.
«Mundaı másele bar. Bul - bizdiń memlekettik organdardyń júıeleri birlesip, ıntegratsııalana bastaǵan kezde elden kóship ketken azamattarǵa baılanysty. Adamdar ketkenimen, resmı túrde kóship bara jatqanyn eskertpegen. Zańnamalyq tártipte ketip bara jatqanyn qujat túrinde rastasa da, olar barǵan eldiń azamattyǵyn alǵan. Ol týraly bizge eskertpegen. Biraq bizdiń Ákimshilik kodekste basqa eldiń azamattyǵyn alǵanyn ýaqtyly eskertpegeni úshin jaýapkershilik qarastyrylǵanyn umytpaý kerek», - deıdi Galına Sársenova Astana qalasynyń Almaty aýdandyq № 5 HQKO-nyń bólimshesinde tilshilerge bergen suhbatynda.
Onyń paıymdaýyna qaraǵanda, qazirgi ýaqytta birneshe memleketpen atalǵan baǵytta turaqty túrde jumys júrgizilip, azamattyq alý týraly ózara málimetterdi almasyp turý úshin halyqaralyqkelisimderge qol qoıylýda.
«Búgingi kúni mundaı jumys Shekara qyzmetteriniń ótkizý pýnkterinde júrgizilip jatyr. Aqparattyń qaıdan belgili bolǵanyna qaramastan (azamattyń ózi aıtsa da nemese basqa da aqparat kózinen belgili bolsa da) biz barlyq jaǵdaılardy tirkep otyratyn bolamyz. Mundaı qujattar Reseıden bizdiń elge qorap-qorabymen jetkiziledi. 2008, 2009, 2010,2011 jyldary azamattyq alǵandardy biz osy júıege engizip jatyrmyz. Bul sandar qazir bizdiń qolymyzda», - deıdi Galına Sársenova.
