Azamattyń jalǵyz baspanasyn sot sheshiminsiz tartyp alýǵa bolmaıdy — Qazaqstan zańgerler odaǵy
ASTANA. KAZINFORM — Jańa Konstıtýtsııaǵa saı azamattyń jalǵyz baspanasynan sot sheshiminsiz shyǵarý múmkin emes. Bul týraly «Qazaqstan zańgerler odaǵy» respýblıkalyq qoǵamdyq birlestiginiń tóraǵasy Serik Aqylbaı Jibek Joly telearnasynyń «Búgin LIVE» baǵdarlamasynda málimdedi.
Onyń aıtýynsha, bul ózgeris turǵyn úıge qatysty azamattardyń quqyqtaryn qorǵaýdy kúsheıtýdi kózdeıdi.
— Buǵan deıin qaryzy bar azamattarǵa qatysty keı jaǵdaıda notarıýstyń atqarýshylyq jazbasy negizinde is sot oryndaýshylaryna berilip, adamdardy úıden shyǵarý faktileri kezdesken. Endi adam ózi turyp jatqan jalǵyz baspanasynan tek sot sheshimimen ǵana shyǵarylýy múmkin, — dedi Serik Aqylbaı.
Spıkerdiń sózinshe, jańa tártip azamattardyń quqyqtaryn qorǵaýǵa qosymsha kepildik beredi.
— Azamattyń quqyǵy kúsheıedi. Memleket zań arqyly oǵan kepildik beredi. Eger turǵyn úıden shyǵarý máselesi týyndasa, ol mindetti túrde sotta qaralyp, sot sheshimi shyqqannan keıin ǵana oryndalady. Sot sheshiminsiz turǵyn úıden shyǵarý bolmaıdy, — dedi ol.
Aıta keteıik, buǵan deıin jańa Konstıtýtsııa jobasynda Halyq keńesine zańnamalyq bastama kóterý jáne respýblıkalyq referendým ótkizýdi usyný quqyǵy beriletini týraly jazǵanbyz.
