Azamattyq qorǵaý akademııasynyń kýrsant qyzdary qutqarýshy mamandyǵyn meńgerip jatyr
ASTANA. KAZINFORM — Búginde akademııada 14 kýrsant qyz bilim alýda, olar qutqarýshy mamandyǵyn meńgerip, tótenshe jaǵdaılardyń aldyn alý jáne olardy joıý salasynda bilikti maman bolýǵa daıyndalyp jatyr.
Olar ǵylymı-zertteý jumystaryna, túrli baıqaýlar men konferentsııalarǵa belsendi qatysyp, mádenı jáne sporttyq is-sharalarda da ózderin tanytyp keledi.
Akademııa basshylyǵy kýrsanttardyń kóshbasshylyq qasıetterin qalyptastyrýǵa, tártipke, kásibı daıarlyqqa jáne patrıottyq tárbıege erekshe kóńil bóledi. Oqý teorııalyq bilim men azamattyq qorǵaý bólimshelerindegi bolashaq qyzmetke qajetti praktıkalyq daǵdylardy ushtastyra júrgiziledi. Oqý ornynda sapaly bilim alýǵa, jeke tulǵalyq damýǵa jáne qyzdardyń azamattyq qorǵaý júıesindegi qyzmetke sátti beıimdelýine barlyq qajetti jaǵdaı jasalǵan.
Oqý orny tarıhyndaǵy mańyzdy oqıǵalardyń biri 2027 jyly ótetin akademııa kýrsant qyzdarynyń alǵashqy shyǵarylymy bolmaq. Bul TJM kadrlaryn daıarlaý júıesin damytýdaǵy mańyzdy kezeńge aınalyp, qoǵamǵa qyzmet etý men azamattardyń qaýipsizdigin qamtamasyz etý jolyn tańdaǵan áıelder úshin jańa múmkindikter ashady.
Aıta ketelik SQO-da joǵary suranysqa ıe TOP-5 mamandyq belgili boldy.
